Şriftin ölçüsü :

Saytın rəngi :

İqtisadiyyat

     2023-cü ilin yanvar-iyun aylarının yekunları ilə bağlı görülmüş işlərin təhlili və proqnozları göstərir ki, rayon iqtisadiyyatının inkişafındakı artım dinamikası cari ildə də davam etmişdir. Eyni zamanda rayonda tikinti-quruculuq və  abadlıq işləri sahəsində işlər uğurla aparılmışdır.
      Bu rayonun əsas statistik göstəricilərində də öz əksini tapmışdır. Belə ki

 -ümumi məhsul buraxılışının həcmi 1,4 faiz çox 

-sənaye məhsulunun ümumi həcmi 3,7 faiz az
-kənd təsərrüfatı məhsullarının həcmi 9,5 faiz çox
-pərakəndə əmtəə dövriyyəsi 0,3 faiz az
-tikinti 72,1 faiz az
-əsas kapitala yönəldilmiş investisiya 83,4 faiz azalmışdır.
     İlk növbədə qeyd etməliyəm ki, ölkə başçısının tapşırığı əsasında yeni iş yerlərinin yaradılması, ictimai işlərin təşkili istiqamətində tədbirlər həyata keçirilmiş və 2023-cü ilin yanvar-iyun aylarında  10 yeni iş yeri yaradılmışdır.
     Tikinti-quruculuq işləri davam etdirilmişdir. 9 çoxmənzilli yaşayış binasında əsaslı təmir işləri başa çatmaq üzrədir.
     Samux  rayonunun  Samux – Füzuli - Lək – Əlibayramlı – Qarabağlar - Çobanabdallı-Samux avtomobil yolunun tikintisi uğurla başa çatmış, Gəncə çayı üzərində körpü inşa edilmişdir.
     Azərbaycan Respublikası Prezidenti  cənab İlham Əliyevin ölkədə kənd təsərrüfatının inkişaf etdirilməsi, ərzaq təhlükəsizliyinin aradan qaldırılması məqsədilə verdiyi  müvafiq tapşırığa əsasən rayon ərazisində iri təsərrüfatların yaradılması istiqamətində işlər davam etdirilmişdir. Hazırda rayonda “AQRO DAİRY” Məhdud Məsuliyyətli Cəmiyyət, “Boz dağ”  heyvandarlıq kompleksi,  “Ulduz 2011” MMC, “Qarabağ Region MKT” MMC ,  “Region Aqro” MMC kimi  iri sahibkar təsərrüfatları fəaliyyət göstərir. Eyni zamanda rayonda  ümumi sahəsi 65,6 hektardan çox olan  147-yə yaxın istixana fəaliyyət göstərir. Bu istixanalarda 2023-cü ilin yanvar iyun aylarında 3171.1  tondan cox faraş tərəvəz - pamidor, xiyar və sair tərəvəz yetişdirilir. Bu məhsulların çox hissəsi MDB ölkələrinə ixrac olunur.

      Qeyd etməliyəm ki, görülmüş işlərlə yanaşı qarşımızda görüləcək işlər də vardır:
- Qarşımızda duran ən vacib məsələlərdən  birincisi ölkə başçısı tərəfindən ölkəmizdə  kənd təsərrüfatının inkişafına göstərdiyi diqqət və qayğıya layiqincə cavab vermək,  bu imkandan maksimum yararlanaraq rayon  iqtsadiyyatının əsasını təşkil edən  kənd təsərrüfatı məhsullarının istehsalının genişləndirilməsidir.
      Bu istiqamətdə artıq ilkin naliyyətimiz var, 2023-cü ildə 31300 ton buğda yığılmışdır ki, ötən ildəkinə nisbətən 24  faiz çox əldə olunmuşdur. 2023-cü ilin məhsulu üçün 35.8 hektar şəkər çuğunduru, 1318.9 hektar günəbaxan əkilmişdir.

Ötən illə müqaisədə günəbaxan 833.6 hektar və ya 59.9 faiz az əkilmişdir.Şəkər çuğunduru isə əkilməmişdir.
Şəmkir-Maşın kanalına daimi suyun verilməsi də bu sahədə işlərimizə müsbət təsir edən amildir.

Keçidlər