Samux Rayon İcra Hakimiyyətinin başçısı cənab Alı Qocayevin rayonun Seyidlər kənd sakinləri ilə növbəti səyyari görüşü keçirildi.

Samux  Rayon  İcra Hakimiyyətinin  başçısı cənab  Alı Qocayevin rayonun Seyidlər kənd sakinləri ilə növbəti səyyari görüşü keçirildi.
Görüşdə kənd  sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə  Seyidlər      kənd inzibati ərazi dairəsi üzrə icra nümayəndəsi  kənd barədə iclas iştirakçılarına geniş məlumat verdi.  Kənddə görülmüş işlər, elektrik enerjisi, təbii qaz, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.Daha sonra kənd sakinləri tərəfindən çıxışlar və təkliflər oldu:
1. Cəfərov Nemət Mirsaleh oğlu  Kəndin giriş hissəsində olan subartezian quyusunun nasosunun təmir edilməsini  xahiş etdi.
2. Abbasov Sahib Allahverdi oğlu Qəbiristanlığa gedən küçənin elektrik dirəklərinin və elektrik naqillərinin yenilənməsini xahiş etdi.
3. Şubliyev Məhəmməd Həsən oğlu Pay torpaqlarının suvarılmasında istifadə olunan baş arxların lildən təmizlənməsini xahiş etdi.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.