Vətən müharibəsi şəhidi Məmmədov Bayram Elnur oğlunun əziz xatirəsi şəhadətinin il dönümündə böyük ehtiramla yad edilib.

Vətən müharibəsi şəhidi Məmmədov Bayram Elnur oğlunun əziz xatirəsi şəhadətinin il dönümündə böyük ehtiramla yad edilib.

Samux Rayon İcra Hakimiyyəti Başçısı Aparatının əməkdaşları, Səfərbərlik və Hərbi Xidmətə Çağırış üzrə Samux bölməsinin əməkdaşı, şəhidin valideynləri, dostları, yaxınları və rayon ictimaiyyəti iştirak edib. Şəhidin məzarı ziyarət edilib, ruhuna dualar oxunub. Məktəblilər şəhidlər haqqında şeirlər deyiblər.

Məmmədov Bayram Elnur oğlu 11 mart 2001-ci ildə Samux rayonu Qarayeri qəsəbəsində anadan olub. 
Azərbaycan Ordusunun əsgəri olan Məmmədov Bayram Elnur oğlu 27 sentyabr 2020-ci ildə Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzuli uğrunda gedən döyüşlərdə iştirak edib. Füzuli rayonu Gecəgözlü kəndi istiqamətində düşmən üzərinə hücuma keçərkən şəhid olub.

Şəhid torpaqlarımızın işğaldan azad olunması zamanı döyüş tapşırıqlarını yerinə yetirərkən mərdliyin, igidliyin göstərilməsinə və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə Azərbaycan Respublikasının Prezidenti İlham Əliyevin müvafiq sərəncamlarına əsasən “Vətən uğrunda”, “Füzulinin azad olunmasına görə”, “Xocavəndin azad olunmasına görə” medalları ilə təltif edilib.
Allahdan bütün şəhidlərimizə rəhmət diləyirik!