Vətən müharibəsi şəhidi Ərəbov Orxan Ramiz oğlunun əziz xatirəsi şəhadətinin il dönümündə böyük ehtiramla yad edilib.

Vətən müharibəsi şəhidi Ərəbov Orxan Ramiz oğlunun əziz xatirəsi şəhadətinin il dönümündə böyük ehtiramla yad edilib.

Tədbirdə Samux Rayon İcra Hakimiyyəti Başçısı  Aparatının əməkdaşları, Səfərbərlik və Hərbi Xidmətə Çağırış üzrə Dövlət Xidmətinin Samux bölməsinin əməkdaşı  şəhidin valideynləri, dostları, yaxınları,  və rayon ictimaiyyəti iştirak edib. Şəhidin məzarı ziyarət edilib, ruhuna dualar oxunub. Məktəblilər şəhidlər haqqında şeirlər deyiblər.

Vətən müharibəsi şəhidi Ərəbov Orxan Ramiz oğlu 24 avqust  1993-cu il tarixdə Samux rayonunun Qədili kəndində anadan olmuşdur. Samux rayon Qədili kənd tam orta məktəbinin məzunudur. 2020-ci ilin avqust ayından Müddətdən Artıq Həqiqi Hərbi Xidmət Hərbi Qulluqçusu  kimi xidmətə başlayıb. Vətən müharibəsi zamanı bir çox döyüşlərdə fəal iştirak etmişdir. 29 sentyabr 2020-ci il tarixdə Tərtər-Ağdərə  istiqamətində gedən döyüşlərdə qəhrəmancasına şəhid olub. 30 sentyabr 2020-ci il tarixdə Samux rayonunun Qədili  kəndində dəfn olunub.

Şəhid  torpaqlarımızın işğaldan azad olunması zamanı döyüş tapşırıqlarını yerinə yetirərkən mərdliyin, igidliyin göstərilməsinə və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə Azərbaycan Respublikasının Prezidenti İlham Əliyevin müvafiq sərəncamları ilə "Vətən uğrunda", "Cəsur döyüşçü" və “Suqovuşanın azad olunmasına görə” medalları ilə təltif edilib.

Allah bütün şəhidlərimizə rəhmət eləsin!