Şəhidin adına inşa edilmiş ehsan bulağının açılş mərasimi təşkil edildi.
Samux rayonu Yenikənd kəndindən olan I Qarabağ müharibəsi şəhidi Bayramov Azad Zahid oğlunun adına inşa edilmiş ehsan bulağının açılış mərasimi təşkil edildi. Tədbirdə Samux Rayon İcra Hakimiyyətinin əməkdaşları, eyni zamanda şəhidin ailə üzvləri, yaxınları, müharibə iştirakçıları, şəhidin təhsil aldığı məktəbin müəllim-şagird kollektivi və rayon ictimaiyyəti iştirak etdi. Çıxış edənlər şəhidin keçdiyi şərəfli döyüş yolundan və həyatından, o cümlədən Vətən müharibəsində düşmən üzərində qazanılan mütləq Zəfərdən, həssas təbəqədən olan şəxslərin sosial rifahının yaxşılaşdırılması istiqamətində atılan mühüm addımlardan danışdılar. Daha sonra açılışın rəmzi xarakteri olan qırmızı lent kəsildi. Qeyd edək ki, I Qarabağ müharibəsi şəhidi Bayramov Azad Zahid oğlu Azərbaycanın ərazi bütövlüyü uğrunda gedən bir çox döyüşlərdə igidlik nümayiş etdirmiş və 04 iyun 1993-cü il tarixində Füzuli rayonunun Məlikcan kəndi istiqamətində gedən döyüşlərdə itkin düşmüşdür. Allah bütün şəhidlərimizə rəhmət eləsin.
