Samuxda ''Ümumdünya Avtomobilsiz Günü'' münasibətilə veloyürüş keçirilib

22 Sentyabrın 2024- cü il tarixdə "Yaşıl Dünya Naminə Həmrəylik ili" çərçivəsində “Ümumdünya Avtomobilsiz Günü" münasibətilə veloyürüş keçirilib. 1998-ci ildən etibarən hər il sentyabr ayının 22-də “Ümumdünya Avtomobilsiz Günü” (World Car Free Day) keçirilir. Həmin gün dünyanın müxtəlif ərazilərindəki insanlar ekoloji təmiz nəqliyyat növlərindən istifadəyə üstünlük verir, piyada yürüşlər edərək sağlam həyat tərzini təbliğ edir.

 Bu günə töhfə vermək məqsədilə Samux rayonunda da Samux Rayon İcra Hakimiyyəti, Samux rayonu üzrə təhsil və gənclər və idman sektorlarının birgə təşkilatçılığı ilə veloyürüş keçirilib. Yürüş Samux Heydər Əliyev Prospektidən Samux şəhər parkına doğru davam edib. Yürüşdə Samux Rayon İcra Hakimiyyətinin məsul əməkdaşları, veloyürüş həvəskarları, gənclər və rayon sakinləri iştirak ediblər. Yürüşün keçirilməsində məqsəd rayon  əhalisinin diqqətini alternativ nəqliyyata yönəltmək, ictimai nəqliyyatdan istifadəni artırmaq, istilik effekti yaradan qazların azaldılmasına töhfə verməkdir. Yürüş yekununda Samux Rayon İcra Hakimiyyətinin başçısı cənab Firdovsi Əliyev yürüş iştirakçılarını salamlamış, hər bir iştirakçıya bu yürüşdə iştirak etdiyinə görə təşəkkürünü bildirmişdir.Qaliblərə Fəxri Fərman və qiymətli hədiyyələr verildi.