Samuxda “İstixana məhsulları və toxum istehsalı sahəsində mövcud imkanlar, çətinliklər və prespektivlər” mövzusunda tədbir keçirilib

Samuxda “İstixana məhsulları və toxum istehsalı sahəsində mövcud imkanlar, çətinliklər və prespektivlər” mövzusunda tədbir keçirilib

Azərbaycan Respublikasının Kiçik və Orta Biznesin İnkişafı Agentliyinin (KOBİA) və Samux Rayon İcra Hakimiyyətinin birgə təşkilatçılığı ilə  Samux rayonunda "İstixana məhsullarının satışı və toxum istehsalı ilə məşğul olan sahibkarlıq subyektlərində yaranan çətinliklər və perspektivlərin öyrənilməsinə” dair görüş keçirilmişdir. Samux rayon YAP inzibati binasında təşkil olunmuş görüşdə 25-a yaxın  sahibkarlıq subyekti və dövlət qurumlarının nümayəndələri iştirak edib.

 KOBİA-nın, Samux Rayon İcra Hakimiyyətinin, Gəncə-Daşkəsən Regional Məşğulluq Filialının, Samux rayon  Dövlət Aqrar İnkişaf Mərkəzinin, İqtisadiyyat Nazirliyinin Gəncə-Qazax regional bölməsinin, Samux rayon Daşınmaz Əmlakın Dövlət Kadastrının və digər qurumların səlahiyyətli nümayəndələrinin iştirakı ilə keçirilmiş tədbirin məqsədi sahibkarları dövlətin dəstək mexanizmləri və sahibkarlara dəstək  göstərən digər qurumların fəaliyyəti və göstərdikləri xidmətlər barədə məlumatlandırmaq, onlar arasında əməkdaşlığı təşviq etməkdən ibarətdir.

 Görüş zamanı sahibkar subyektlərini maraqlandıran bir sıra suallar cavblandırılmış, layihələri təqdim olunmuş, müzakirələr aparılmış və bu istiqamətdə tövsiyə və məsləhətlər verilmişdir. Habelə kənd təsərrüfatı sahəsində sahibkarların qarşılaşdığı çətinliklərlə bağlı müzakirələr aparılmış  və həlli istiqamətində fikirlər bildirilmişdir.