Samux rayonunun Sarıqaya kəndindən olan Vətən müharibəsi şəhidi Məmmədov Kərim Namil oğlunun əziz xatirəsi şəhadətinin ildönümündə böyük ehtiramla yad edildi.
02 oktyabr 2023 | 16:50
Samux rayonunda şəhid ailələri daim diqqət mərkəzində saxlanılır. Samux Rayon İcra Hakimiyyətinin başçısı cənab Alı Qocayevin müvafiq tapşırıq və tövsiyələrinə uyğun olaraq Gəncə şəhəri şəhidlər xiyabanında dəfn edilmiş Samux rayon Sarıqaya kəndindən olan Vətən müharibəsi şəhidi Məmmədov Kərim Namil oğlunun əziz xatirəsi şəhadətinin ildönümündə böyük ehtiramla yad edildi.
02 oktyabr 2023-cü il tarixdə Samux Rayon İcra Hakimiyyətinin əməkdaşları 44 günlük Vətən müharibəsinin şəhidi Məmmədov Kərim Namil oğlunun şəhadətinin ildönümündə iştirak etdi. Tədbirdə Samux Rayon İcra Hakimiyyətinin əməkdaşları, Gəncə-Daşkəsən Regional Gənclər və İdman İdarəsinin Samux rayon sektorunun əməkdaşları, şəhidin valideynləri, dostları və yaxınları iştirak etdi. Şəhidin məzarı ziyarət edildi, ruhuna dualar oxundu.
Məmmədov Kərim Namil oğlu 05 aprel 1989-ci il tarixdə Gəncə şəhərində anadan olmuşdur. Gəncə şəhər 27 saylı məktəb-liseydə təhsil alıb. 2012-ci ilin may ayından Daxili Qoşunlarda Müddətdən Artıq Həqiqi Hərbi Xidmət Hərbi Qulluqçusu kimi xidmətə başlayıb , sonra xidmətini 2016-ci ildən Gizir kimi davam etdirib. Aprel döyüşlərinin iştirakçısıdır. Məmmədov Kərim Namil oğlu 01 oktyabr 2020-ci il tarixdə Kəlbəcər istiqamətində gedən döyüşlər zamanı qəhrəmancasına şəhid olub. 02 oktyabr 2020-ci il tarixdə Gəncə şəhər şəhidlər xiyabanında dəfn olunub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin müvafiq sərəncamına əsasən "Vətən uğrunda" , “Azərbaycan Respublikası Silahlı Qüvvələrinin 90 illiyi”, "Hərbi xidmətlərə görə" və "Kəlbəcərin azad olunmasına görə” medalları ilə təltif edilib. Evli idi. 2 övladı var. Allahdan bütün şəhidlərimizə rəhmət diləyirik.
Keçidlər
