Samux rayonunda süni mayalanmadan 317 baş buzov doğulmuşdur.
Samux rayonunda 2022-ci ilin I yarımilində 935 baş iri buynuzlu mal-qara elit törədicilərin toxumları ilə süni mayalandırılmışdır. Heyvanların süni mayalandırılmasından 317 baş bala alınmışdır. Ümumiyyətlə, 2014-cü ildən bəri rayonda süni mayalanmadan 10499 baş cins buzov doğulmuşdur. Aqrolizinq yolu ilə alınan cins mal-qaranın və süni mayalanmadan alınan buzovların hesabına rayonda cins mal-qaranın sayı yerli mal-qaranın sayını üstələmişdir.
01.07.2022-ci il tarixinə rayonda iri buynuzlu mal-qaranın baş sayı 23940 baş , qoyun və keçilərin baş sayı isə 132733 başa çatmışdır.
Rayonda mal-qaranın cinsləşdirilməsi heyvandarlıq məhsulları istehsalının artmasına səbəb olmuşdur. 2021-ci ilin I yarımilində rayonda ət istehsalı (diri çəkidə) 2759 ton, süd istehsalı 15490 ton, yumurta istehsalı isə 5126 min ədəd, yun istehsalı isə 220 ton olmuşdur.
Samux Rayon Statistika İdarəsi
