Samux rayonunda “Prokurorluq orqanları əməkdaşlarının peşə bayramı” günü qeyd edilmişdir.

Samux rayonunda “Prokurorluq orqanları əməkdaşlarının peşə bayramı” günü qeyd edilmişdir.

Samux rayonu İcra Hakimiyyətinin təşkilatçılığı ilə “Prokurorluq orqanları əməkdaşlarının peşə bayramı” günü münasibətilə peşə bayramı tədbiri keçirilmişdir.  İcra Hakimiyyətinin bir sıra məsul işçiləri, hüquq mühafizə orqanlarının rayon şöbələrinin rəhbərləri, idarə, müəssisə və təşkilat rəhbərləri, o cümlədən rayon ictimaiyyətinin nümayəndələri iştirak etmişlər.
Tədbir iştirakçıları əvvəlcə ulu öndər Heydər Əliyevin adını daşıyan parka gələrək abidəsi önünə gül dəstələri qoyub, əziz xatirəsini böyük ehtiramla yad ediblər. Tədbiri Samux Rayon İcra Hakimiyyətinin  Başçısının Birinci müavini açaraq başda Azərbaycan Respublikasının Baş prokuroru Kamran Əliyev olmaqla bütün prokurorluq orqanları əməkdaşlarını peşə bayramı münasibəti ilə təbrik etmiş, Azərbaycan Respublikasında prokurorluq orqanlarının rolu, tarixi, bu günü və ölkə başçısının prokurorluq orqanlarına və işçilərinə qayğısı haqqında geniş nitq söyləmişdir.
Bundan sonra Samux rayon Prokuroru  Mayıl Hacıyev  keçirilən bu  peşə bayramı  münasibəti ilə ətraflı məruzə etmişdir. Onun bu məruzəsinə rayon ictimaiyyətinin nümayəndələri də qoşularaq məruzə ətrafında çıxışlar etmişlər. Daha sonra hüquq mühafizə orqanlarının rayon şöbələrinin rəhbərləri də təbrik çıxışları etmişlər.