Samux rayonunda “Prezident İlham Əliyevin apardığı uğurlu siyasət ölkəmizin hərtərəfli və davamlı inkişafını təmin edir” mövzusunda dəyirmi masa keçirildi.
07.06.2022-ci il tarixdə YAP Samux rayon təşkilatında “Prezident İlham Əliyevin apardığı uğurlu siyasət ölkəmizin hərtərəfli və davamlı inkişafını təmin edir” mövzusunda gənclərin iştirakı ilə dəyirmi masa keçirildi.Tədbiri giriş sözü ilə açan YAP Samux rayon təşkilatının sədri Gündüz Bayramov qeyd etdi ki, cənab Prezidentimizin uğurlu siyasəti nəticəsində Azərbaycan regionun enerji mərkəzinə çevrilib və məlum səbəblərdən dünyada bu sahədə yaşanan böhranın aradan qaldırılması istiqamətində ölkəmizin malik olduğu potensial yüksək qiymətləndirilir.Məhz bütün bunların əsası Ümumilli Liderimiz Heydər Əliyev tərəfindən qoyulan və bugün Prezdent cənab İlham Əliyev tərəfindən uğurla davam və inkişaf etdirilən enerji siyasətinin təzahürüdür.G.Bayramov vurğuladı ki, Prezident cənab İlham Əliyev 27-ci Beynəlxalq Xəzər Neft və Qaz Sərgisinin rəsmi açılış mərasimində Cənub Qaz Dəhlizi layihəsindən bəhs etdi. Məlumdur ki, dəhliz enerji böhranının baş alıb getdiyi bir zamanda Avropanın enerji təminatında əhəmiyyətli rola malikdir. Azərbaycanın təşəbbüsü ilə baş tutan bu layihənin reallaşdırılması ölkəmizin gücünü, bir daha təsdiqləyir.
Sonra tədbirdə fəal YAP üzvləri Aytən Məmmədova, Gülmira Nəbiyeva və Rüstəm Ramizli çıxış edərək bildirdilər ki, Azərbaycan hazırda regionda sülhün və təhlükəsizliyin təmin olunması üçün dayaq nöqtəsi, ən perspektivli tərəfdaş hesab edilir. Ölkəmizlə qarşılıqlı faydalı əməkdaşlığa əsaslanan tərəfdaşlıq münasibətləri beynəlxalq münasibətlər sisteminin aparıcı dövlətləri və güc mərkəzləri üçün də strateji əhəmiyyət daşıyır. Təsadüfi deyil ki, bu gün dünyanın aparıcı dövlətləri və nüfuzlu təşkilatları Azərbaycanı Cənubi Qafqazın təhlükəsizlik qarantı və inkişaf mənbəyi adlandırırlar. Həmin geosiyasi subyektlər Azərbaycanla əməkdaşlığın əhəmiyyətini yüksək qiymətləndirir, ölkəmizin Cənubi Qafqaz və Xəzər dənizi regionunda əvəzolunmaz tərəfdaş kimi böyük dəyərə malik olduğunu bəyan edirlər. Müxtəlif regional əməkdaşlıq formatları məhz Azərbaycanın təşəbbüsü ilə yaranıb və olduqca səmərəli fəaliyyət göstərirlər. Ölkəmiz hazırda regionda sabitləşdirici faktor kimi çıxış edir.
Tədbirin sonunda YAP Samux rayon təşkilatının sədri Gündüz Bayramov ölkəmizin hərtərəfli və davamlı inkişafı üçün görülən işlərin və Prezident İlham Əliyev tərəfindən aparılan uğurlu siyasətin təbliğində fəal olmağı tövsiyyə etdi.
