Samux rayonunda orta aylıq əməkhaqqı 523,9 manat olmuşdur
Əhalinin sosial rifah halına təsir edən amillərdən biri onun muzdla çalışan hissəsinə hesablanmış əməkhaqqı fondunun miqdarıdır.
2022-ci ilin I rübünün sonuna rayonda siyahı tərkibində olan işçilərin sayı 5583 nəfər və hər bir işçiyə düşən orta aylıq nominal əməkhaqqı əvvəlki ilin eyni dövrünə nisbətən 15,1 faiz artaraq 523,9 manat təşkil etmişdir. Dövlət müəssisələrində siyahı tərkibində olan işçilərin sayı 4065 nəfər, orta aylıq nominal əmək haqqı 554,9 manat, qeyri-dövlət müəssisələrdə isə siyahı tərkibində olan işçilərin sayı 1518 nəfər, orta aylıq nominal əmək haqqı 433,9 manat olmuşdur.
2022-ci ilin I rübündə Samux rayonunda 18 yeni iş yeri açılmışdır. Bu iş yerlərinin hamısı mövcud müəssisə və təşkilatlarda yaradılmış və daimi iş yerləridir.
Samux Rayon Statistika İdarəsinin
rəis müavini Allahverdi Məmmədov
