Samux rayonunda heyvandarlığın inkişafına maraq artırılır.
2021-ci ilin sonuna rayonun təsərrüfatlarında 23401 baş iri buynuzlu mal-qara, 133715 baş qoyun və keçilər mövcud olmuşdur.
İri buynuzl mal-qaranın 1332 başı kənd təsərrüfatı müəssisələrində, 22069 başı isə əhali təsərrüfatlarında, qoyun və keçilərin 16518 başı kənd təsərrüfatı müəssisələrində, 117197 başı isə əhali təsərrüfatlarında olmuşdur.
Hesabat dövründə diri çəkidə ət istehsalı əvvəlki ilə nisbətən 18 ton artaraq 1534 ton, süd istehsalı 383 ton artaraq 8547 ton, yumurta istehsalı 12 min ədəd artaraq 2768 min ədəd olmuşdur.
Kənd təsərrüfatı məhsullarının istehsal həcmi 16952,7 min manat olmuşdur ki, bunun da 14643,8 min manatını və ya 86,4 faizini heyvandarlıq məhsulları təşkil edir.
Samux Rayon Statistika İdarəsinin
rəis müavini Allahverdi Məmmədov
