Samux rayonunda "02 fevral – Azərbaycan Gəncləri Gününün" təsis edilməsinin 26 illiyinə həsr olunmuş “Gənclər həftəsi” çərçivəsində “Azərbaycan Gəncləri Günü – 2023” başlığı altında yekun konfrans keçirildi.
02 fevral 2023 | 20:07
02 fevral 2023-cü il tarixdə Samux Rayon İcra Hakimiyyəti, Gənclər və İdman İdarəsi, YAP Samux rayon təşkilatı, Gəncə-Daşkəsən Regional Təhsil İdarəsinin Samux rayon sektoru və Gənclərin İnkişafı və Karyera Mərkəzinin Samux rayon nümayəndəliyinin birgə təşkilatçılığı ilə 02 fevral – Azərbaycan Gəncləri Gününün təsis edilməsinin 26 illiyinə həsr olunmuş “Gənclər həftəsi” çərçivəsində “Azərbaycan Gəncləri Günü – 2023” başlığı altında yekun konfrans keçirildi. Samux Rayon İcra Hakimiyyəti başçısı Alı Qocayevin iştirakı ilə keçirilən konfransda ilk öncə Ümummilli lider Heydər Əliyevin abidəsi ziyarət olundu, gül dəstələri qoyuldu.
Daha sonra “Ulu Öndər Heydər Əliyev gənclərin gözü ilə” başlığı altında gənclərin əl işindən ibarət rəsm sərgisinə baxış keçirildi. Fərqli formatda keçən konfrasda ilk öncə şəhidlərin xatirəsini 1 dəqiqəlik sükutla andıqdan sonra, Azərbaycan Respublikasının Dövlət Himni ilə konfrans açıq elan olundu. “Gənclər Günü – 2023” adlı videoçarx izlənildi. Videoçarx il ərzində keçirilmiş tədbirlərdən bəhs edirdi. Videoçarx bitdikdən sonra gənclərlə müzakirələr aparmaq üçün Samux Rayon İcra Hakimiyyəti başçısı cənab Alı Qocyev, YAP Samux rayon təşkilatının sədri Gündüz Bayramov və Samux Rayon Gənclər və İdman idarəsinin rəisi Rəşad Qarayev fəxri kürsüyə dəvət olundular. İlk öncə cənab Alı Qocayev bu əlamətdar gün münasibəti ilə gənclərimizi təbrik etdi.
Maraqlı suallarla iştirak edən gənclərimizin sualları natiqlər tərəfindən cavablandırıldı.
Konfransın yekunu olaraq “Gənclər Həftəsi” çərçivəsində keçirilən tədbirlərdə və il ərzində gənclər siyasətində fərqlənən gənclər İcra Hakimiyyəti başçısı tərəfindən diplom, kubok və fəxri fərmanlarla mükafatlandırıldı.
Keçidlər
