Samux Rayon İcra Hakimiyyətinin başçısı Alı Qocayevin rayonun Lək kənd sakinləri ilə növbəti səyyari görüşü keçirildi.

Samux Rayon İcra Hakimiyyətinin başçısı Alı Qocayevin rayonun Lək kənd sakinləri ilə növbəti səyyari görüşü keçirildi. Görüşdə kənd sakinləri ilə yanaşı İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Tədbir iştirakçiları ilk öncə Lək kəndindən 44 günlük Vətən Müharibəsində şəhid olan Həmzəyev Arif Muradcan oğlunun qəbrini ziyarət etdilər.
Lək  kənd inzibati ərazi dairəsi üzrə icra  nümayəndəsi Xəyal Qasımov kənd barədə iclas iştirakçılarına geniş məlumat verdi. Kənddə görülmüş işlər, təbii qaz, elektrik enerjisi, su təminatları, aparılmış abadlıq işləri, əhalini narahat edən məsələlər və problemlər barədə ətraflı danışdı. Daha sonra kənd sakinləri tərəfindən çıxışlar və təkliflər oldu.
Kənd sakinləri əhalinin problemlərinin həll edilməsi məqsədi ilə yerlərdə həyata keçirilən tədbirlərə, göstərilən yüksək diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Səyyar qəbulu yekunlaşdıran Samux RİH-nin başçısı cənab Alı Qocayev kənd sakinləri tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.