Antiterror əməliyyatlarında şəhid olmuş Qarayev İlkin Yusif oğlunun şəhadətinin ildönümü münasibətilə anım mərasimi keçirilib.

   Azərbaycan Ordusunun Qarabağdakı qeyri-qanuni silahlı birləşmələrə qarşı apardığı lokal xarakterli antiterror əməliyyatlarında həlak olan Qarayev İlkin Yusif oğlunun şəhadətinin ildönümü münasibətilə  anım mərasimi keçirilib. Şəhidin anım mərasimində Samux Rayon İcra Hakimiyyətinin başçısı Firdovsi Əliyev, RİH-nin məsul şəxsləri, hüquq-mühafizə orqanlarının, idarə, müəssisə və təşkilatların rəhbərləri, şəhidin yaxınları, din xadimləri, qazilər və şəhid ailələri iştirak ediblər.

Tədbir zamanı şəhidin məzarı üzərinə gül dəstələri qoyulub, ruhuna dualar oxunub, şagirdlər tərəfindən vətənpərvərlik mövzusunda şeirlər söylənilib, şəhidin keçdikləri döyüş yolundan, qəhrəmanlığından bəhs edilib.

Azərbaycan Ordusunun Qarabağdakı qeyri-qanuni silahlı birləşmələrə qarşı apardığı lokal xarakterli antiterror əməliyyatlarında həlak olan Qarayev İlkin Yusif oğlu 25 noyabr 2004-cü il tarixdə Samux rayonunun Seyidlər kəndində anadan olub. Qarayev İlkin Yusif oğlu Samux rayonu Seyidlər kənd qəbiristanlığında 29 sentyabr 2023-cü il tarixində dəfn edilib.Azərbaycan Respublikasının prezidenti İlham Əliyevin sərəncamına əsasən Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir. 

Allahdan bütün şəhidlərimizə rəhmət diləyirik!