Antiterror əməliyyatlarında şəhid olmuş Qarayev İlkin Yusif oğlunun əziz xatirəsi doğum günündə böyük ehtiramla yad edilib.

Antiterror əməliyyatlarında şəhid olmuş Qarayev İlkin Yusif oğlunun əziz xatirəsi doğum günündə böyük ehtiramla yad edilib.

Samux Rayon İcra Hakimiyyəti Başçısı Aparatının əməkdaşları, şəhidin valideynləri, dostları, yaxınları və rayon ictimaiyyəti iştirak edib. Şəhidin məzarı ziyarət edilib, ruhuna dualar oxunub. Məktəblilər şəhidlər haqqında şeirlər deyiblər.

Daha sonra Seyidlər kənd tam orta məktəbin qarşısında şəhidin əziz xatirəsinin əbədiləşdirilməsi məqsədilə inşa edilmiş bulağın açılışı olub. Samux Rayon İcra Hakimiyyətinin şöbə müdiri Qurban Həsənov çıxışında şəhid ailələrinə göstərilən diqqət və qayğıdan danışıb.

Qarayev İlkin Yusif oğlu 25 noyabr 2004-cü il tarixdə Samux rayonunun Seyidlər kəndində anadan olub. Qarayev İlkin Yusif oğlu Samux rayonu Seyidlər kənd qəbiristanlığında 29 sentyabr 2023-cü il tarixində dəfn edilib.

Şəhid döyüş tapşırıqlarını yerinə yetirərkən mərdliyin, igidliyin göstərilməsinə və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə Azərbaycan Respublikasının Prezidenti İlham Əliyevin sərəncamına əsasən “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilib.

Allahdan bütün şəhidlərimizə rəhmət diləyirik!