1941-1945-ci illər Böyük Vətən müharibəsində Qələbənin 68-ci il dönümü qeyd edilmişdir.

Samux rayonunda  9 may 2013-cü il tarixdə  1941-1945-ci illər Böyük Vətən Müharibəsində Qələbənin  68-ci il dönümü münasibəti ilə geniş tədbir keçirilmişdir. Tədbirdə rayon İcra Hakimiyyəti başçısının aparatı, müharibə iştirakçıları, rayon hüquq-mühafizə orqanlarının, idarə, müəssisə və təşkilatların rəhbərləri, İHB-nın inzibati ərazi dairələri üzrə nümayəndələri, bələdiyyələr,  ağsaqqallar, ictimaiyyət və KİV nümayəndələri iştirak edirdilər.
Tədbir Samux rayon İcra hakimiyyətinin başçısı cənab Alı Qocayevin Böyük Vətən Müharibəsində həlak olmuş samuxluların xatirəsinə ucaldılmış kompleks önünə gül dəstəsi qoyması ilə başladı.
Tədbirdə çıxış edən  rayon İcra Hakimiyyətinin başçısı cənab Alı Qocayev veteranları  təbrik edərək,   Böyük Vətən Müharibəsində qələbənin heç də asanlıqla əldə edilmədiyini, bu müharibədə Azərbaycandan 650 mindən çox şəxs iştirak etdiyini qeyd etdi. Qələbənin əldə olunmasında Azərbaycan neftinin  həlledici rolu olduğunu, həmin dövrlərdə SSRİ-də istehsal olunan neftin 71,4%-nin Azərbaycanın payına düşdüyünu diqqətə çatdırdı. Cənab başçı Azərbaycan Respublikasının Prezidenti cənab İlham Əliyevin müharibə veteranlarına, müharibədə və sonralar həlak olmuş döyüşçülərin ailələrinə göstərdiyi diqqət və qayğını xüsusi vurğuladı.
Tədbirdə müharibə iştirakçıları adından  Əziz Məmmədov çıxış edərək, ölkə başçısına müharibə veteranlarına göstərdiyi qayğya görə minnətdarlığını bildirdi.
Daha sonra Samux rayon İcra hakimiyyətinin başçısı cənab Alı Qocayev 1941-1945-ci illər Böyük Vətən müharibəsi iştirakçılarına qiymətli hədiyələr təqdim etdi.
Tədbir Qarayeri Uşaq musiqi məktəbinin, şəhər 1 və 2 saylı tam orta məktəblərinin, 3 saylı uşaq bağçasının  təşkil etdiyi   konsert proqramı və bədii kompozisiyalarla ilə davam etdirildi.