IV İslam Həmrəyliyi Oyunlarına dəstək olaraq gənclər üçün “Fəal ol, Sağlam ol!” adlı tədbir keçirilib

Samux Rayon Heydər Əliyev Mərkəzində  IV İslam Həmrəyliyi Oyunlarına dəstək tədbiri keçirilib.
Tədbiri giriş sözü ilə açan  Samux Rayon Heydər Əliyev Mərkəzinin Direktoru Aygün  Həsənzadə ,  ölkəmizdə həyata keçirilən irimiqyaslı islahatlar, uğurlu fəaliyyətlər ,  xüsüsən də IV İslam Həmrəyliyi Oyunlarnın  Azərbaycanda keçirilməsinin dövlətimizin ölkə idman siyasətinin növbəti uğuru olduğunu vurğulamışdır.  Aygün Həsənzadə  onu da qeyd etmişdir ki, tədbirin keçirilməsində əsas məqsədin  IV İslam Həmrəyliyi Oyunlarının proqramına daxil olan idman növlərini gənclər  arasında təbliğ etmək, onların idmana marağını artırmaq, gəncləri  sağlam həyat tərzinə cəlb etmək, onların könüllü fəallığa istiqamətləndirməkdir.
Daha sonra Samux Rayon Gənclər  və İdman  İdarəsinin İdman sahəsi üzrə nümayəndəsi Qurban  Həsənov, Samux Rayon Mədəniyyət Mərkəzinin Direktoru Şəlalə Tağıyeva, İnstitut qəsəbə orta məkətbinin direktoru Gülsəba Abbasova, Samux şəhər və Sərkar kənd Musiqi Məktəblərinin və Samux Rayon Mərkəzi Kitabxanasının da nümayəndələri çıxış edərək, IV İslam Həmrəyliyi Oyunlarının ölkəmizdə keçirilmsinin müsbət təsirindən danışmış və uğurlar arzulamışlar.
  Tədbirin gedişində gənclərin də fikirləri dinlənilmiş və müzakirə aparılmışdır.

Tədbirin sonunda rayon Musiqi Məktəblərinin və məktəblilərinin hazırladığı  bədii-əyləncəli proqram təqdim edilib.