Samuxda ağır atletika üzrə Qərb zonası üzrə Respublika yarışlarının II seçmə mərhələsi keçirildi
Samuxda ağır atletika üzrə Qərb zonası üzrə Respublika yarışlarının II seçmə mərhələsi keçirildi . 08 Aprel 2017-ci il tarixdə Samux şəhəri Zirvə Ağır Atletika İdman Klubunda Azərbaycanın bütün bölgələrini əhatə edən ağır atletika üzrə Qərb zonası üzrə Respublika yarışlarının II seçmə mərhələsi start götürdü. Yarışda Samux , Gəncə , Şəki, Qazax, Goranboy və Yevlax olmaqla ümumilikdə 150-ə yaxın idmançı iştirak edirdi. Məqsəd regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçilər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsidir. Samux rayon idmançısı Quliyev Sənan Fuad oğlu 77 kq çəki dərəcəsində 145 kq ağırlığın öhdəsindən uğurla gələrək 2-ci yerə layiq görüldü. Gəncə şəhər idmançılarından Emin Qocayev 85 kq çəki dərəcəsində 172 kq nəticə ilə 1-ci yerə, İlkin Kazımov isə müvafiq normativi yerinə yetirdiyinə görə idman ustası adına layiq görüldülər . Yarış 09 Aprel 2017-ci il tarixdə uğurla başa çatdı .
