Samux rayonunda “Vətənin Müdafiəsinə Hazıram”Poliatlon Çoxnövçülüyü üzrə yarışın rayon birinciliyi keçirildi

06 aprel 2017-ci il tarixdə Samux şəhər 1 saylı məktəb-liseyin stadionunda Samux Rayon İcra Hakimiyyətinin dəstəyi,  Gənclər və İdman İdarəsinin və Təhsil Şöbəsinin birgə təşkilatçılığı ilə tam orta məktəb komandaları arasında  “Vətənin Müdafiəsinə Hazıram “ Poliatlon Çoxnövçülüyü üzrə yarışın Samux rayon birinciliyi keçirildi. Yarış Beynəlxalq Poliatlon çoxnövçülüyü Assosiasiyasının qaydalarına əsasən keçirilir . Yarışa  ümumi rəhbərliyi Gənclər və İdman İdarəsi edir. Yarışı təşkil etməkdə əsas məqsəd  idmanın kütləviliyinin artırılması,  gəncləri ordu sıralarına ,  vətənin müdafiəsinə mənəvi və fiziki cəhətdən hazırlamaq, gənclərdə vətənə məhəbbət,  sədaqət və vətənpərvərlik hissini artırmaq , eyni zamanda rayon çempionunu aşkar etmək idi. Oyunların yekun protokoluna əsasən 1-ci yerə Samux şəhər 1 saylı məktəb-lisey komandası , 2-ci yerə Sərkar kənd tam orta məktəb komandası,  3-cü yerə isə Çobanabdallı kənd tam orta məktəb komandası  layiq görüldü. Qaliblər Gənclər və İdman İdarəsi tərəfindən diplomlarla mükafatlandırıldı.   Bütün qalibləri təbrik edirik. Samux şəhər 1 saylı məktəb-lisey komandası  “Vətənin Müdafiəsinə Hazıram “ Poliatlon Çoxnövçülüyü üzrə yarışın Samux rayon birinciliyinin qalibi kimi 14 aprel 2017-ci il tarixində keçiriləcək “Vətənin Müdafiəsinə Hazıram “ Poliatlon Çoxnövçülüyü üzrə Respublika çempionatının zona mərhələsinə vəsiqə qazandı. Komandamıza uğurlar arzulayırıq.