Samux rayon Uşaq Gənclər Şahmat Məktəbində görüş keçirilib
Samux rayon Təhsil Şöbəsinin tabeliyində fəaliyyət göstərən Uşaq Gənclər Şahmat Məktəbinin keçmiş şahmatçısı İsmət Xəlilovla məktəbli şahmatçılar ilə görüş keçirilib.
Hazırda Naxçıvan Dövlət Universitetinin Baytarlıq fakültəsinin I kurs tələbəsi olan İsmət UGŞM-da şahmatla məşğul olduğu illərdə bir çox uğurlara uğur ataraq yadda qalıb. Belə ki, dəfələrlə Respublika birinciliklərində I-II yerlərə layiq görülərək Avropa çempionatına vəsiqə qazanıb, Serbiyanın Novi-Sad şəhərində, Türkiyənin Konya şəhərində və İran İslam Respublikasında keçirilmiş beynəlxalq turnirlərdə iştirak edərək uğurlu nəticələr əldə edib.
Görüş əsnasında İsmət hazırda UGŞM-nin gənc şahmatçıları ilə seans keçirib və nəticələri onlarla birlikdə müzakirə edib. Qeyd edək ki, belə görüşlər mütəmadi olaraq həyata keçirilir.
