Ümumi orta təhsil səviyyəsində təhsilalanların yekun attestasiyasında edilmiş yeniliklərlə bağlı növbəti seminar keçirilib
Azərbaycan Respublikası Təhsil Nazirliyinin müvafiq göstərişinə əsasən Samux Rayon Təhsil Şöbəsinin məsul əməkdaşları tərəfindən Samux rayon Qarayeri 1 nömrəli məktəb-liseydə, Qarayeri qəsəbə 2 nömrəli tam orta məktəbin, Sariqamış kənd tam orta məktəbin, Seyidlər kənd tam orta məktəbin, Alabaşlı kənd tam orta məktəbin və Qədili kənd tam orta məktəbin direktor, direktor müavini, Riyaziyyat və Azərbaycan dili müəllimlərinin iştirakı ilə maarifləndirici seminar keçirilib.
Seminarda ümumi orta təhsil (9 illik) səviyyəsində ümumtəhsil fənləri üzrə təhsilalanların yekun attestasiyasında yeniliklərlə bağlı Təhsil Nazirliyi tərəfindən hazırlanmış məlumat xarakterli slayt təqdim olunub. Sual-cavab formatında tərtib edilmiş slaytda yeni buraxılış imtahanları ilə bağlı ən çox müraciət olunan suallara cavab verilib.
