Samux rayon İHB-nın Sərkar kənd İƏD-si üzrə nümayəndəliyinin 2016 –cı ildə gördüyü işlər və 2017 –ci ildə qarşıda duran vəzifələr haqqında hesabatı keçirildi.
Artıq 2016- cı il arxada qaldı. Bu ildə Respublikamızda bir çox yadda qalan tarixi hadisələr oldu.Təkcə Ordumuzun aprel döyüşləri , qısa müddət ərzində “Lələ təpə”ni ələ keçirmələri buna canlı misaldır.
Bildiyimiz kimi dünyanın əksər ölkələrində iqtisadi böhran olmasına baxmayaraq, ölkəmiz uğurla inkişaf etməsini dayandırmamışdır. Respublikamızın prezidenti Cənab, İlham Əliyev Azərbaycan xalqının təhlükəsizliyini təmin etmiş , ölkəmizdə heç bir teror hadisələri olmamışdır.
2016- cı ildə əvvəlki illər kimi respublikamızda və rayonumuzda qazanılan nailiyyətləri unutmaq olmaz. Ölkə rəhbəri 2003-cü ildən başlayaraq bu günə kimi ulu öndər Heydər Əliyev kursunu davam etdirərək respublikamızın sosial – iqtisadi həyatında mühüm rol oynayan sənədlər,o, cümlədən şəhər, rayon, qəsəbə və kəndlərin inkişafını özündə əks etdirən “Azərbaycan Respublkasının 2014- 2018 –ci illər, sosial – iqtisadi inkişafının sürətləndirilməsi haqqında” Dövlət proqramını imzalamaqla vacib tarixi sənəd qəbul etmişdir.
Bu proqramın həyata keçirilməsi yerli icra hakimiyyəti orqanlarında səmərəli və geniş iş metodlarından istifadə etməyi tələb edir. Dövlət başçısının , verdiyi bu fərmanından sonra respublikamızın hər yerində bu qərardan irəli gələn vəzifələrin yerinə yetirilməsi , əhalinin rifah halının yaxşılaşması , cəmiyyətin mənəvi saflaşmasının təmin olunması, bütövlükdə ölkəmizin iqtisadi qüdrətinin artması, artan əmək haqqları, pensiyalar , sosial məsələlərin həlli, məktəblərin , tibb
ocaqlarının, idman bazalarının yaradılması , şəhər, rayon , kənd və qəsəbələrin abadlaşdırılması özünü tam göstərir.
Yuxarıda qeyd etdiklərimi rayonumuzda , eləcədə onun iri kəndlərindən biri olan Sərkar kəndinin simasında da aydın görmək olar.
Hesabat ilində Sərkar kənd İnzibati Ərazi Dairəsi üzrə nümayəndəsi, kənd bələdiyyəsi ilə birgə kəndimizdə, tikinti , abadlıq və təmizlik işləri görmüşdür.
Sərkar kəndi, ərazisinin böyüklüyünə və əhalisinin sayına görə rayonumuzun ən iri kəndlərindən biridir. Kənd rayon mərkəzindən 5 km. aralıda yerləşir.
Ərazisi 1924 ha , əhalisi 5361 nəfərdir. Kənddə 1090 təsərrüfat mövcuddur ki, bununda 962 - də şəxsi yaşayış evi vardır. Nümayəndəliyin qeydiyyatında olan 235 nəfər kənd sakinləri, respublikamızda və ondan kənarda yaşayırlar. Eyni zamanda 187 nəfərə qədər vətəndaş respublikamızın müxtəlif yerlərində qeydiyyatda olsalarda , kəndin ərazisində yaşayırlar .Kənddə 41 məcburi köçkün ailəsi yaşayır .
Kəndimizdə 98 nəfər müəllimi və 701 nəfər şagirdin təhsil aldığı , 28 nəfər texniki işçinin çalışdığı bir tam orta məktəb, 300 nəfərlik mədəniyyət evi , 1 kitabxana , 2 qrupdan ibarət uşaq bağçası, 1 tibb məntəqəsi , 1 uşaq musiqi məktəbi , 1 poçt filalı , 1 elektron ATS, 2 mineral su istehsal edən sex, quşçuluq fabrikası, 300 tonluq soyuducu anbar , 60 nəfəri özündə birləşdirən 26 ticarət obyektləri və 1 dəri sexi (müvəqqəti fəaliyyətini dayandırıb) fəaliyyət göstərir. 300 - dən artıq kənd əhalisi, kəndin ərazisindən kənarda müxtəlif təsərrüfatlarda çalışırlar.Kənddə 759 nəfər pensiya alır ki, onlardan da 20 nəfər - 1 qrup , 243 nəfər - 2 qrup əlilliyə görə, 8 nəfər- III qrup , qalanları isə sosial yardım və qocalığa görə pensiya alanlardır. Kəndimizdən 6 nəfər - Qarabağ torpağı uğrunda, 1 nəfər - Əfqanıstan döyüşlərində şəhid olmuşdur. 4 nəfər- Qarabağ əlili vardır.
Kəndin mərkəzində yerləşən mədəniyyət evinin həyətində kənd bələdiyyəsi tərəfindən salınan mini park kənd əhalisinə xidmət edir.
Möhtərəm Prezidentimiz İ.Əliyevin qeyd etdiyi kimi “ Bu gün cəmiyyətimiz üçün ən əsas sahə təhsilin yerlərdə səviyyəsini yüksəltmək, ilk növbədə təhsil ocaqlarının maddi – texniki bazasını möhkəmləndirməklə yanaşı, yeni məktəblərin tikilməsi , əsaslı təmir edilməsi , müasir avdanlıqlarla təmin olunmasına daim qayğı göstərməkdir ”. Hesabat ilində məktəbimizin 44 nəfər məzunundan 16 nəfəri test üsulu ilə ayrı – ayrı unverisitetlərə qəbul olmuşdur, eyni zamanda 6 nəfər digər peşə orta - ixtisas məktəblərə daxil olmuşdur.
Artıq məktəbimizdə 2 nəfər,Almaz Əsgərova və Məfkurə İsrafilova əməkdar müəllim, 1 nəfər Afət Rzayeva kimi qabaqcıl təhsil işçisi çalışır.Bildiyimiz kimi , indi müəllimlərin vəzifəsi , qabaqkı illərə nisbətən xeyli çətinləşmişdir. Ona görə ki,dərs üsulları yeni proqramla tədris olunmuşdur. Məktəbimizdə tez-tez tədbirlər keçirilir.Buna misal olaraq icra nümayəndəsinin təşəbbüsü ilə kənd orta və musiqi məktəblərinin kollektivi , bələdiyyə sədrinin və rayon ictiaiyyətinin iştirakı ilə birgə keçirilən ,2015-2016-cı tədris ilində orta məktəbin və musiqi məktəbinin ali məktəblərə daxil olmuş şagirdlərinə həsr edilmiş tədbiri göstərmək olar ki , həmin tədbirdə şagirdlərə hədiyyələr də təqdim edilmişdir.Eyni zamanda məktəbin kollektivi , icra nümayəndəsi və bələdiyyə sədrinin iştirakı ilə birgə , məktəbin veteran müəlliməsi Salahova Hökümənin 80 illik yubleyi qeyd edildi .
2001- ci ildən fəaliyyət göstərən Sərkar kənd musiqi məktəbində 53 nəfər müəllim heyəti çalışır və 299 nəfər şagird musiqi təhsili alır. Hesabat ilində musiqi məktəbinin uğurları da az olmamışdır.Belə ki, məktəbin şagirdləri Bakı şəhərində keçirilən müsabiqələrdə fəxri diplom və fəxri fərmanlarla qiymətləndirilmişdir.Kollektiv Samux rayonunda da keçirilən bütün tədbirlərdə fəal iştirak etmişdir. Məktəbin 1 nəfər şagirdi Milli Konservatoriyaya, 1 nəfər şagirdi Asəf Zeynallı adına Bakı musiqi kollecinə, 6 nəfər şagidi isə yüksək nəticələr göstərərək Qənbər Hüseynli adına Gəncə musiqi Kollecinə qəbul olmuşdur.
Yekunda mən deməliyəm ki , həm orta məktəbimiz, həm də müsiqi məktəbi ötən il qənaətbəxş göstəricilər əldə etmişdir.
Kənddə fəaliyyət göstərən mədəniyyət evində tez- tez tədbirlər keçirilir.Bununla yanaşı kollektiv ,N hərbi hissələrə sovqat apararaq konsert proqramları ilə çıxış etmişlər.Rayonda keçirilən tədbirlərdə yaxından iştirak edirlər.
Kənddə yerləşən həkim məntəqəsi kənd əhalisinə xidmət edir. 2 qruplu uşaq bağçasında 35 nəfər uşaq təlim - tərbiyə alır. 1 elektron ATS 895 nəfər abonentə yüksək dərəcədə xidmət edir.
Bildiyimiz kimi, kəndin əhalisinin əsas məşğuliyyəti heyvandarlıq və əkinçilikdir. Kəndi əhatə edən 1924 ha torpaq sahəsinin 1423 ha xüsusi mülkiyyətdə , 501 ha bələdiyyə torpağıdır.
Ötən il respublikamızda kənd təsərrüfat ili elan olunmuşdur.
Kənd sakinləri hesabat ilində 651 ha taxıl sahəsindən 16275 ton taxıl , 12 ha qarğıdalı sahəsindən 41 ton qarğıdalı , 11 ha kartof sahəsindən 110 ton kartof , 48 ha günəbaxan sahəsindən 96 ton günəbaxan, 30 ha tərəvəz sahəsindən 270 ton tərəvəz , 31 ha meyvə bağından 279 ton meyvə ,66 ha üzüm sahəsindən 530 ton və 3900 ton quru ot toplanmışdır. Bu gün əkinçilərimizin ən bəlalı yeri sahələrdə gəmiricilərlə mübarizə aparmaqdır. Rayon Kənd Təsərrüfatı İdarəsinin köməkliyi ilə hesabat ilində 2 dəfə pulsuz olaraq əkinçilərə, ziyanvericilərə qarşı dərman verilmişdir.Kənddə əhali heyvandarlıq sahəsinə də ciddi diqqət yetirir. Belə ki, 2016 – cı ildə əhalidə 907 baş iri buynuzlu , 10144 baş xırdabuynuzlu mal –qara qeydə alınmışdır. Hesabat ilində Nümayəndəlik və kənd bələdiyyəsi tərəfindən ərazidə yaşayan Böyük vətən müharibəsi və Qarabağ əlillərinə , şəhid ailələrinə , tək və imkansız yaşayan ailələrə daimi diqqət və qayğı göstərilmiş , onlara icra nümayəndəliyi tərəfindən 49 nəfərə,kənd bələdiyyəsi tərəfindən 100 nəfərə qurban payı və bayram sovqatı göndərilmişdir. İmkansız ailələrin üzvülərinə dəfn günü , yas mərasimlərinə maddi və mənəvi köməklik göstərilmişdir.
Hesabat ilində , kənd əhalisinin ən yaralı sahəsi olan əkin sahələrinin yay aylarında suvarılmasında yaranan çətinliklərdir. Rayon İH başçısı cənab, Alı Qocayevin köməkliyi ilə ötən il Şəmkir Su kanalının hesabına əkinçilərimiz bir o,qədər çətinliklər çəkməmişdir. Əkinçilərimiz 2017-ci il üçün Dövlət proqramında nəzərdə tutulan 220 ha –dan artıq şəkər çuğundurunun əkilməsi planlaşdıılmışdır. Onu da qeyd edim ki,ərazidə yeni bir ədəd subartezian quyusu vurulub , lakin istismara verilməyib .Eyni zamanda 52 subartezian quyuları həmin əkin sahələrinin suvarılmasnı təmin edə bilməyəcəkdir. Biz ümidvarıq ki, Rayon İcra Hakiiyəti başçısının köməkliyi nəticəsində Şəmkir Su kanalı bizə bu il də kömək olacaqdır.
Bundan əlavə, hesabat ilində Azərbaycan Respublikası Prezidenti cənab İ.Əliyevin 23 yanvar 2007 – ci il 1907 saylı sərancamına əsasən Nazirlər Kabinetinin 15.02.2007 – ci il tarixli 32 saylı qərarı ilə istehsalçıların əkin sahələrinin və çoxillik əkmələrin becərilməsində istifadə etdiyi , yanacaq və motor yağlarına görə 600 nəfər istehsalçıya 64872 manat güzəşt olmuşdur.
Azərbaycan Respublikası Prezidenti cənab İ. Əliyevin “Sosial – iqtisadi inkişafın sürətləndirilməsi “ haqqında fərmanın 7-ci bəndinə əsasən dövlət rəhbərliyinin gündəlik nəzarətində olan əhalinin yerlərdə ərizə və şikayətlərinə baxılması və onların problemlərinin həlli sayəsində , rayon icra hakimiyyətinin başçısı cənab Alı Qocayev il ərzində 2 dəfə Sərkar kəndində əhali ilə görüş keçirmişdir. Məlumat üçün deməliyəm ki, cənab Alı Qocayev əhali ilə görüşlərdə onların təklif və şikayətlərinə diqqətlə yanaşmış və yerində həllinə tapşırıqlar vermişdir.
Hesabat ili ərzində 25 nəfər yuxarı təşkilatlara, 9 nəfər rayon İcra Hakimiyyətinə yazılı ərizələrlə müraciət edilmişdir. Eyni zamanda il ərzində 15 nəfər rayon İHB –nın qəbulunda olmuşdur. Nümayəndəliyə 18 yazılı ərizə daxil olmuşdur. Demək olar ki, hesabat ilində 216 şifahi müraciət, 119 məktub daxil olmuş , 14 əmr verilmişdir.
Il ərzində 76 nəfər doğum , 29 nəfər ölüm qeydə alınmışdır. Hal – hazırda 26 nəfər gənc, ordu sıralarındadır.
Nümayəndəlik kənd bələdiyyəsi ilə birgə ,rayonda ağacəkmə kampaniyasında fəal iştirak etmişdir.
Hazırda kənddə 1206 qaz, 1270 işıq abonentləri vardır.
Hesabat ilində icra nümayəndəliyinə və tabeliyindəki işçilərə dövlət büdcəsindən , smeta əsasında 39114 manat əmək haqqı , 2158 manat kommunal xərc üçün vəsait xərclənmişdir.
Hesabat ilində , rayonda keçirilən Novruz bayramında icra nümayəndəliyi rayon tələbi səviyyəsində yüksək şəkildə çıxış etmişdir.”28 may Respublika günü “ münasibətilə 27 may tarixində , Rayon icra başçısı cənab Alı Qocayevin və nümayəndəliyin tabeliyində olan təşkilatların iştirakı ilə Sərkar kənd icra nümayəndəsinin həyətində dekarativ ağaclar, gül və çiçəklər əkilmişdir.
Nümayəndəlik hesabat ilində öz işini kənd bələdiyyəsi və ictimayyətlə birgə quraraq bir sıra işlər görmüşdür.
Belə ki, rayon rəhbərliyinin köməkliyi ilə işıq idarəsi və kənd bələdiyyəsi ilə birgə 3 ədəd yanmış transfarmator , 3 ədəd işıq dirəkləri qısa müddətdə təmir olunmuşdur. Kənddə küçə işıqlarının kabelləşməsi başlamışdır, lakin hələ də tam başa çatdırılmamış yarimçıq qalmışdır. 48 ədəd subartezian quyuları təmir olunmuşdur.
İl ərzində Rayon Telekommunikasiya Qovşağının rəhbərliyi və icra nümayəndəsi ilə birgə bir neçə vətəndaşın telefon xətti naqillərinin dəyişdirməsinə köməklik olunmuş və 3 nəfərə telefon xətti çəkilmişdir.
Hesabat ilində nümayəndəlik və bələdiyyə sədri , kənd əhalisi ilə tez-tez geniş görüşlər keçirmiş və onların tələbləri dinlənilmişdir.
Artıq kəndin 90% - də həftədə bir dəfə küçələrdə təmizlik günü keçirilir. Nümayəndəliyin və kənd bələdiyyəsinin köməkliyi ilə hər həftənin 1-ci günü bir texnika, 2 nəfər fəhlə ayrılaraq küçələrin və su arxlarının zibilləri toplanıb yığılır.
Nümayəndəlikdə hər gün vətəndaş qəbul edilib, onların kommunal tələbləri dinlənilib, icra edilmişdir və bu gündə edilir.
Hesabat ilində rayon rəhbərliyinin köməkliyi ilə , 2-ci Azərbaycan Kənd İnvestisiya Lahiyəsi həyata keçirilib ,kənd icra nümayəndəsi ,bələdiyyə sədri və kənd icmaları ilə birgə kəndin 25 km kənd arası yollarını yüksək səviyyədə təmir etdirilmişdir.
Hörmətli başçı ,Sizin köməkliyiniz nəticəsində kəndimizə yeni Sərvan marşurutunun açılması, kənd camaatının böyük sevincinə səbəb olmuşdur.
Hesabat dövrü ərzində 26 sentyabr 2016- cı il tarixində keçirilmiş Referendumda kənd əhalisi fəal iştirak etmişdir. Yeni il qabağı və Novruz bayramında rayonda İHB-nın təşəbbüsü ilə keçirilən yarmarkada kəndimiz yüksık səviyyədə fəallıq göstərmişdir.
Mən nümayəndəlik adından qeyd etmək istərdim ki, işlərimizdə hələ də nöqsanlar vardır. Belə ki , son illərdə yaranan böhranla əlaqədar əhali daha yaxşı işləmək üçün öz fərdi torpağından səmərəli istifadə etmək üçün maariflənmə işini yaxşı apara bilmirik . Mən əminəm ki, köhnə ildə buraxdığımız nöqsanları 2017 - ci ildə təkrar etməyəcəyik, yeni iş üsulları ilə işimizi kənd bələdiyyəsi ilə birgə qurub , əhaliyə günün tələbləri səviyyəsində xidmət edəcəyik.
Qarşımızda hələ bir çox işlər durur .Belə ki,3 - cü kənd icma investissiya lahiyısi ilə birgə kəndin qalan yollarının təmiri, küçələrdə yeni su xəttlərinin çəkilməsi ,tibb məntəqəsi və uşaq bağçasının təmiri,uşaq bağçasında istilik sisteminin yaradılması və İH –nin köməkliyi ilə müasir məktəbin tikilməsi kimi mühüm işlər durur.
