Samux rayonunda “Sağlam həyat” aksiyası keçirilmişdir.
Respublikamızda tibb elminin inkişafına mühüm töhfələr vermiş görkəmli oftalmoloq, akademik Zərifə xanım Əliyevanın 90 illik yubileyi Samux rayonunda da geniş qeyd olunur. Rayonun təhsil və səhiyyə müəssisələrində görkəmli alimin xatirəsinə həsr olunmuş tədbirlər keçirilir, sərgi və aksiyalar təşkil olunur.
Mərkəzi Rayon Xəstəxanası tərəfindən rayonun qəsəbə və kəndlərində “Sağlam həyat” aksiyası keçirilir. Bu məqsədlə səyyar həkim briqadaları yaradılmışdır. Növbəti aksiya bu gün rayonun Qarayeri, Alabaşlı və Qaraarx qəsəbələrinin sakinləri üçün təşkil olunmuşdur. Tədbirdə həkimlərə 100 yaxın vətəndaş müraciət etmişdir. Müraciət edənlər həkimlər tərəfindən hərtərəfli müayinə olunmuşdür. Altı nəfər xəstəxanaya yerləşdirilmiş, bəzi vətəndaşlara istiqamətverici tövsiyələr edilmiş və ehtiyacı olanlara ambulator müalicələr təyin olunmuşdur.
