Samux rayonunda ümumtəhsil məktəblər arasında “Coca-Cola” məktəbli kuboku uğrunda yarış başladı
02 noyabr 2016-cı il tarixdə AFFA və Təhsil Nazirliyinin məktubuna əsasən Samux Rayon İcra Hakimiyyətinin dəstəyi, Samux Rayon Gənclər və İdman İdarəsinin təşkilatçılığı ilə 7-ci siniflər arasında Coca-Cola məktəbli kuboku start götürdü. Yarışda 34 ümumtəhsil məktəbi iştirak edir. Yarışmanın ilk günündə 4 komanda mübarizə apardı. Hakimlərin yekun qərarına əsasən :
Ziyadlı - Alabaşlı 1:0, Sərkar - Qarayeri 1 saylı 3:0, Ziyadlı-Sərkar 4:2 hesabı ilə sona çatdı. Qrupun lideri Ziyadlı kənd tam orta məktəb komandası olmaqla növbəti mərhələyə vəsiqə qazanmışdır. Növbəti mərhələlər bazar günü istisna olmaqla hər gün saat 02 :00-da Samux şəhər 2 saylı tam orta məktəbində keçiriləcək. Sabah Qarayeri qəsəbə 2 saylı tam orta məktəb, Qovlarsarı kənd tam orta məktəb, Samux şəhər 3 saylı tam orta məktəb və İstixana qəsəbə əsas orta məktəb komandaları mübarizə aparacaq. Hər kəsə uğurlar arzulayırıq.
