Samux rayonunda məktəblər arasında keçirilən valeybol idman növü üzrə rayon birinciliyi sona çatdı
28 oktyabr 2016-cı il tarixdə Samux rayon Qovlarsarı kənd tam orta məktəbdə Samux Rayon İcra Hakimiyyətinin dəstəyi, Samux Rayon Gənclər və İdman İdarəsi və Təhsil Şöbəsinin birgə təşkilatçılığı ilə orta məktəb komandaları arasında təşkil olunmuş valeybol idman növü üzrə rayon birinciliyi sona çatdı. Yarış Valeybol Federasiyasının təsdiq etdiyi qaydalarla keçirildi. Yarışda 22 tam orta məktəb komandası iştirak edirdi . Yarışı keçirməydə əsas məqsəd məktəblilər arasında valeybolu inkişaf etdirmək, idmanın kütləviliyini artırmaq , gənclərin sağlam həyat tərzinə yönləndirilməsi, gənclər arasında valeybola marağın dahada artırılmasıdır. Hakimlərin yekun qərarına əsasən bütün rəqiblərini yenən Qarabağlar kənd tam orta məktəb komandası 1-ci, Əhmədbəyli kənd tam orta məktəb komandası 2-ci, Qarayeri qəsəbə 1 saylı tam orta məktəb komandası 3-cü yeri tuttu. Birincilik qalibləri Samux Rayon Gənclər və İdman İdarəsi tərəfindən kubok və diplomla təltif olundu.
