Samuxun bütün məktəblərindən ali məktəbə qəbul qeydə alınıb
19 sentyabr 2016 | 16:00
Bu il Samux rayonundan 320 abituriyent test imtahanlarında iştirak edib. Onlardan 142 nəfəri yüksək bal toplayaraq respublikanın müxtəlif ali məktəblərinə qəbul olub. 8 nəfər 600-dən yuxarı nəticə göstərib, 24 nəfər isə 500-dən çox bal toplayıb. Bu göstəriciləri ötən illə müqayisədə qənaətbəxş hesab edən Samuxun təhsil işçiləri son 4 il ərzində ikisi rayon mərkəzində olmaqla 12 məktəb binası yeniləndiyinə, 11 kənddə əlavə tədris korpusunun inşa olunduğuna diqqət çəkib. Konfransda ucqar yaşayış məntəqələrində şagirdlərin dərsə davamiyyətinin yaxşılaşdırılması istiqamətində tədbirlərin müsbət nəticə verdiyinə diqqət çəkilib. Sonda ali məktəbə yüksək balla daxil olan məzunlara hədiyyələr təqdim olunub.
Keçidlər
