Samux rayon Qırmızı Samux qəsəbəsinə ilk dəfə təbii qaz verilib
Artıq Qırmızı Samux sakinlərinin qış aylarında istilik sarıdan çəkdikləri əziyyətə son qoyulacaq. Samux rayonunda Kürqırağı kəndlərin qazlaşdırılması çərçivəsində 395 abonenti olan daha bir yaşayış məntəqəsinin mavi yanacaqla təminatı belə deməyə əsas verir. Görülən tədbirlər nəticəsində 20 km-ə yaxın qaz xətti çəkilib, mənzillər sayğacla təmin edilib. Yenikənd və Luksemburq kəndlərindən sonra qəsəbənin qazlaşdırılması nəticəsində Samuxda mavi yanacaq verilən yaşayış məntəqələri 36-ya, abonentlərin sayı isə 15 minə çatıb. Gələn il isə rayonun Eldar zonasında yerləşən 5 kəndin qazlaşdırılması planlaşdırılır.
Valeh Məmmədov- sakin: “Bu gün bizim kəndimizdə - qədim Samux torpağında qazın alovlanması bizi çox sevindirir. Kəndimizdə əsl toy-bayramdır. Uşaqlarımız-böyüklərimiz çox sevinirlər”.
Əfruz Mustafayeva- sakin: “İndiyədək biz qaz görməmişdik. Meşələrdən odun qırıb gətirirdik. Şükürlər olsun ki, qazımız gəldi! Bizim də çətin günlərimiz arxada qaldı”.
