Samux Rayon İcra Hakimiyyəti başçısının rayonun Lüksemburq kəndində səyyari görüşü keçirilmişdir.

Samux  Rayon  İcra Hakimiyyətinin  başçısı cənab  Alı Qocayevin rayonun Lüksemburq kənd sakinləri ilə növbəti səyyari görüşü keçirildi.
Görüşdə kənd  sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Lüksemburq kənd inzibati ərazi dairəsi üzrə icra nümayəndəsi   kənd barədə iclas iştirakçılarına geniş məlumat verdi. Kənddə görülmüş işlər, elektrik enerjisi, təbii qaz, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd sakinləri tərəfindən çıxışlar və təkliflər oldu:
1. Abbasov Həmid Camal oğlu Qırmızı Samux qəsəbə İnzibati Ərazi Dairəsi Üzrə nümayəndəliyin ərazisində bankamatın quraşdırılmasını  xahiş etdi.
2. Ibrahimov Telman Qurban oğlu  Lüksemburq kəndinin kənarındakı şor kanalının təmizlənməsi təklifini irəli sürdü.
3. Zülfiqarov Azər Mirzə oğlu Evinə qaz sayğacınnı quraşdırılmasını  xahiş etdi.
4. Musayev Sayad Cabbar oğlu  Pay torpağının yenidən ölçülüb sərhəddinin təyin edilməsinı xahiş etdi.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.