Samux Rayon İcra Hakimiyyəti başçısının rayonun Hacıalılı kəndində səyyari görüşü keçirilmişdir.

Samux  Rayon  İcra Hakimiyyətinin  başçısı cənab  Alı Qocayevin rayonun Hacıalılı kənd sakinləri ilə növbəti səyyari görüşü keçirildi.
Görüşdə kənd  sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Hacıalılı kənd inzibati ərazi dairəsi üzrə icra nümayəndəsi kənd barədə iclas iştirakçılarına geniş məlumat verdi. Kənddə görülmüş işlər, elektrik enerjisi, təbii qaz, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd sakinləri tərəfindən çıxışlar və təkliflər oldu:
1. Abbasov Nizami Əsəd oğlu bir ədəd subartezian quyusunun vurulması təklifini irəli sürdü.
2. Səlmanov Mətləb Ərşad oğlu Hacıalılı-Çobanabdallı kəndlərinin birgə istifadəsində olan subartezian suyunun istifadəçilərə növbəlilik əsasında verlməsini xahiş etdi
3. Əliyev Rizvan İsmayıl oğlu isə çıxışında yararsız elektrik naqillərinin və qəzalı dayaqların dəyişdirilməsini xahiş etdi.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.