Ümummilli lider Heydər Əliyevin anadan olmasının 93-cü ildönümü ilə əlaqədar Samux rayon ümumtəhsil məktəbləri arasında istedadların hesabat konserti keçirildi.
5 may 2016-cı il tarixdə YAP Samux rayon təşkilatının akt zalında YAP Samux rayon təşkilatının və rayon Təhsil şöbəsinin birgə təşkilatçılığl ilə Ümummilli lider Heydər Əliyevin anadan olmasının 93-cü ildönümü ilə əlaqədar Samux rayon ümumtəhsil məktəbləri arasında istedadların hesabat konserti keçirildi.
İlk öncə tədbir iştirakçıları məktəblilərin rəsm sərgiləri və əl işləri ilə tanış oldular. Hesabat konserti Azərbaycan Respublikasının Dövlət Himninin səsləndirilməsi ilə başladı. Tədbir iştirakçıları Ulu Öndərin həyat və fəaliyyətini əks etdirən vidioçarxı izlədilər.Tədbirdə Samux rayon ümumtəhsil məktəblərinin şagirdləri qiraət, rəqs və musiqi nömrələri ilə çıxış etdilər.Tədbir iştirakçıları məktəblilərin cıxışlarını böyük maraq və alqışlarla qarşıladılar.Tədbirin sonunda qalib məktəblərin komandaları Samux rayon İcra Hakimiyyətinin Başçısı cənab Alı Qocayev tərəfindən qiymətli hədiyyələrlə mükafatlandırıldı.
