Samux Rayon İcra Hakimiyyəti başçısının rayonun Əhmədbəyli kəndində səyyari görüşü keçirilmişdir.

Samux  Rayon  İcra Hakimiyyətinin  başçısı cənab  Alı Qocayevin rayonun Əhmədbəyli kənd sakinləri ilə növbəti səyyari görüşü keçirildi.
Görüşdə kənd  sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Əhmədbəyli kənd inzibati ərazi dairəsi üzrə icra nümayəndəsi kənd barədə iclas iştirakçılarına geniş məlumat verdi. Kənddə  görülmüş işlər, elektrik enerjisi, təbii qaz, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar və təkliflər oldu:
1.  Bayramov  Teyyub İbrahim oğlu Gödək dəhnə adlanan Gəncə çayından ayrılan su dəhnəsinin bərpasını xahiş etdi.
2.  Məmmədov İsryıl Nəsrəddin oğlu yararsız elektrik sayğacının yenisi  ilə əvəz edilməsi  təklifini irəli sürdü.
3. Mayılov Nəvayib İsax oğlu isə əhali tərəfindən ödənilən telefon pulunun poçt vasitəsi ilə ödənilməsinə köməklik edilməsini xahiş etdi.                               
Səyyar qəbulu  yekunlaşdıran Samux  RİH-nin başçısı cənab Alı Qocayev kənd sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi