Samux rayon İcra Hakimiyyəti başçısının 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə dair hesabat yığıncağı keçirildi.
Azərbaycan Respublikasının Prezidenti cənab İlham Əliyev Nazirlər Kabinetinin 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasında dünyada və ölkəmizdə baş verən iqtisadi prosesləri geniş təhlil etmiş və qarşıda duran vəzifələri müəyyənləşdirmişdir.
Cənab Prezident iclasdakı çıxışında ayın əvvəlində Ermənistanın Azərbaycana qarşı növbəti silahlı təxribat törətdiyini, təxribatın qarşısının ordumuz tərəfindən qətiyyətlə alındığını, düşmənə layiqli cavab verildiyini qeyd etmişdir. Bu qanlı toqquşma bir daha onu göstərir ki, Ermənistan işğalçı siyasətini davam etdirir və çalışır ki, danışıqlar prosesi pozulsun. Bunu deməyə kifayət qədər əsas var, ilk növbədə, danışıqların 20 ildən çox müddət ərzində aparılması onu göstərir ki, Ermənistan sadəcə olaraq danışıqları sonsuz proses kimi görmək istəyir. Digər tərəfdən, danışıqlarda müəyyən irəliləyiş olan zaman Ermənistan müxtəlif yollarla danışıqları pozmağa cəhd göstərir. Son dövrün hadisələri bunu təsdiq edir.
Bu gün Azərbaycan dünyada çox etibarlı tərəfdaş kimi tanınır və bölgədə sabitləşdirici rol oynayır. Birinci rübdə Azərbaycana 10 xarici dövlət və hökumət başçısı səfər etmişdir. Onların arasında rəsmi səfərlər olmuş və IV Qlobal Bakı Forumunda iştirak etmək üçün dövlət və hökumət başçıları gəlmişdir. Dünya birliyi Azərbaycana böyük hörmətlə və rəğbətlə yanaşır. Təsadüfi deyil ki, bir neçə il bundan əvvəl Ölkəmiz BMT Təhlükəsizlik Şurasına üzv olmuşdur.
Birinci rübdə iqtisadi islahatlar daha da sürətlə aparılmışdır. Cənab Prezident 2016-cı ilin dərin iqtisadi islahatlar ili olacağını xüsusi olaraq qeyd etmişdir. İlin əvvəlindən ölkə başçısı tərəfindən bir çox sərəncamlar imzalanmış və qanunlar qəbul edilmişdir.
Birinci rübün yekunlarına görə respublikamızda ümumi daxili məhsul aşağı düşmüşdür. Ancaq nikbinliklə demək olar ki, il ərzində ümumi daxili məhsul artacağı gözlənilir. Bunu deməyə əsas verən odur ki, ilin birinci rübündə Azərbaycanda qeyri-neft sənayesi 5,0 faizdən çox artmışdır. Bu da onu göstərir ki, ümumi daxili məhsulun azalması, ilk növbədə, neftin qiymətinin aşağı düşməsi və ondan yaranan vəziyyət ilə bağlıdır.
Ancaq qeyri-neft sənayesinin beş faizdən çox artması, ümid verir ki, Azərbaycanda qeyri-neft sektoru daha da sürətlə inkişaf edəcəkdir. Qeyri-neft sektoru bu gün Azərbaycan iqtisadiyyatının əsas hissəsini təşkil edir.
Birinci rübdə 37 min yeni iş yeri yaradılmışdır. Onlardan 31 mini daimi iş yeridir, 13 min iş yeri bağlanmışdır. Yeni iş yerlərinin yaradılması daha çox dövlət sektorunda baş vermişdir. Bu da Azərbaycan Respublikasının Prezidenti cənab İlham Əliyevin göstərişi əsasında öz həllini tapmışdır.
Azərbaycan sosial dövlətdir və bütün iqtisadi islahatlar, uğurlu neft-qaz siyasəti bir məqsədə xidmət edir, insanlar daha da yaxşı yaşasınlar. İndi dünyada iqtisadi və maliyyə böhranının davam etdiyi, neftin qiymətinin 3-4 dəfə düşməsinə baxmayaraq, bu il Azərbaycanda maaşlar və pensiyalar 10 faiz artırıldı.
Regionların iqtisadiyyatının əsasını kənd təsərrüfatı məhsullarının istehsalı təşkil etdiyindən, kənd təsərrüfatının inkişafı ölkəmiz üçün həmişə prioritet olmuş və indiki şəraitdə bunun önəmi daha da artır. Birinci rübdə Azərbaycanda kənd təsərrüfatının istehsalı 2,7 faiz artmışdır. Ərzaq təhlükəsizliyinin təmin edilməsi məqsədlə son illər ərzində böyük işlər görülür. Fermerlərə dəstək verilir, subsidiyalarda yeni yanaşmalar təklif olunur. Hər bölgə, rayon üzrə xüsusi bir subsidiya siyasətinin aparılması istiqamətində tədbirlər həyata keçirilir.
2016-cı ilin birinci rübünün yekunu ilə bağlı görülmüş işlərin təhlili və proqnozlar göstərir ki, rayon iqtisadiyyatının inkişafındakı artım dinamikası davam etmişdir. Eyni zamanda rayonda tikinti-quruculuq və abadlıq işləri sahəsində işlər uğurla aparılmışdır.
İlin əvvəlində respublikamızın hər yerində olduğu kimi, rayonumuzda da əhalinin məşğulluğu sahəsində yaranmış problemin aradan qaldırılması məqsədi ilə ölkə başçısının tapşırığı əsasında yeni iş yerlərinin yaradılması və ictimai işlərin təşkili istiqamətində tədbirlər həyata keçirilmişdir. Belə ki, rüb ərzində 273-ü daimi olmaqla 740 yeni iş yeri yaradılmışdır.
Tikinti-quruculuq işləri davam etdirilmişdir. Rayonun Qarayeri qəsəbəsi və Qovlarsarı kəndində 7 yaşayış binasında təmir işlərinə başlanılmış və həmin binaların. Hazırda həmin yaşayış binalarında digər təmir işləri davam etdirilir.
Alabaşlı qəsbəsi 1 saylı uşaq bağçasında yenidənqurma və bərpa işlərinə başlanmış və hazırda işlər davam etdirilir.
Azərbaycan Respublikası Prezidenti cənab İlham Əliyevin ölkədə kənd təsərrüfatının inkişaf etdirilməsi, ərzaq təhlükəsizliyinin aradan qaldırılması məqsədilə verdiyi müvafiq tapşırığa əsasən rayon ərazisində iri taxılçılıq təsərrüfatının yaradılması məqsədi ilə “AQRO DAİRY” Məhdud Məsuliyyətli Cəmiyyət üçün 5000 ha münbit torpaq ayrılmışdır. Cəmiyyət tərəfindən təsərrüfatda çalışacaq maşın-mexanizmlər gətirilmişdir. Həmin sahənin suvarılma sisteminin qurulması “Abkon” MMC şirkəti tərəfindən icra edilir. 13 km əsas su xətti çəkilmişdir. Kompleksin idarə edilməsində istifadə olunacaq yardımçı binaların tikintisi davam etdirilir. Yaxın vaxtlarda həmin ərazidə 3000 hekta qarğıdalı əkilməsi həyata keçiriləcəkdir. Bu isə öz növbəsində yüzlərlə yeni iş yerinin yaradılmasına imkan verəcəkdir.
Qeyd edilməlidir ki, görülmüş işlərlə yanaşı qarşımızda görüləcək işlər də vardır:
- ilk növbədə hesabatda qeyd edilən tikinti - quruculuq işlərinin qısa müddətdə başa çatdırılmasıdır;
- bununla bərabər Samux şəhər - Füzuli - Lək - Əlibayramlı - Qarabağlar - Çobanabdallı – Samux şəhər dairəvi avtomobil yolunun qalan hissəsinin də çəkilişinə nail olmalıyıq.
- şəhərin küçələrinin yenidən qurulması və kəndlərarası yolların əsaslı təmiri də əsas hədəflərimizdəndir və bu sahədə müvafiq işlər aparılır;
- rayon mərkəzinin və ətraf yaşayış məntəqələrinin kanalizasiya və mərkəzləşdirilmiş içməli su sisteminin qurulmasının reallaşması istiqamətində də işlər aparılır;
- Qarabağ müharibəsi əlilləri və şəhid ailələrinin mənzil şəraitinin yaxşılaşdırılması da diqqət mərkəzindədir;
- qarşımızda duran ən vacib məsələlərdən biri də rayon iqtisadiyyatının daha da genişləndirilməsi və əhalinin məşğulluğunun tam təmin olunması üçün yeni istehsal və emal müəssisələrinin yaradılmasını təmin etməkdən ibarətdir.
-Bununla bərabər 2 min hektar sahədə kənd təsərrüfatı məhsullarının yetişdirilməsi üçün 12,0 milyon manat və 25 min ton kartofun yetişdirilməsi üçün 5,0 milyon manat investisiyanın ayrılması Dövlət İnvestisiya Proqramına salınmışdır. Bu da öz növbəsində yüzlərlə iş yerinin açılmasına imkan verəcəkdir.
-Rayonda xalça sexinin açılması və arıçılıgın inkişaf etdirilməsi də nəzərdə tutulur.
