Samux rayonunda Qadınların konfransı

04.03.2013-cü il  tarixdə Samux rayon İcra Hakimiyyətinin Akt  zalında  Ailə, Qadın və Uşaq  problemləri  üzrə  Dövlət Komitəsi  və Samux rayon  İcra Hakimiyyəti  ilə  birgə  Azərbaycan Qadınlarının  IV Qurultayına  hazırlıq mərhələsində  Samux  rayon Qadınlarının Konfransı keçirildi.
Samux  rayon İcra  Hakimiyyətinin  başçısı  cənab Alı Qocayev  konfransı açaraq  Azərbaycan  qadının ölkəmizin  ictimai – siyasi həyatındakı  rolundan danışdı.
Natiqlər çıxışında  Azərbaycan qadını  öz iradəsi  və mərdliyi, saflığı və sədaqəti  ilə  cəmiyyətimizin   həyatında  xalqımızın  milli  mənəvi  dəyərlər  sisteminin formalaşmasında  müstəsna  rol  oynamışdır. Müxtəlif  beynəlxalq təşkilatlar qadın hüquqlarının müdafiəsinə, qadınların  cəmiyyətdə  daha  çox yer almasına hakimiyyət strukturunda  təmsil  olunmasında  yönümlü  təbliğatlar  aparır.
Heydər Əliyev  siyasi  xəttinin bərqərar  olduğu  zamanlarda qadınlarımızın hüquqlarının  qorunması, onların cəmiyyətin bərabərhüquqlu  üzvü  olması üçün mümkün  olan bütün  işlər  görülmüşdür  və  bu iş   hal-hazırda möhtərəm Prezidentimiz İlham Əliyevin rəhbərliyi  altında da layiqincə  yerinə  yetirilir.
YAP-nın Samux rayon təşkilatının  qadınlar şurasının sədri K.Xəlilova  da Dövlət qadın siyasətinin həyata  keçirilməsi barədə  məruzəsində  Samux  qadınlarının ölkəmizin ictimai – siyasi həyatındakı önəmli rolundan geniş danışdı.
Eyni zamanda millət vəkili  Məlahət  İbrahimqızı çıxışında  Azərbaycan  qadınlarının iqtisadi  müstəqilliyinə  toxunaraq   onların iqtisadiyyatın  müxtəlif  sahələrində  geniş imkanlarının  olduğunu  qeyd  etdi .
Tədbirdə  eyni zamanda  Qadınlar  Konfederasiyasının sədri Arzu  Əliyeva, Samux  rayon İHB-ı aparatının  Sənədlərlə  və  vətəndaşların müraciətləri ilə  iş  şöbəsinin müdiri Rəfiqə Mahmudova da çıxış  etdilər.
Sonra  təşkilatı məsələyə  baxıldı. Rayonda  müəyyən edilmiş  normaya  uyğun olaraq  Azərbaycan  Qadınlarının IV qurultayında iştirak etmək üçün  10  nəfər  nümayəndə seçildi.