Samux Rayon İcra Hakimiyyəti başçısının rayonun Sarıqamış kəndində səyyari görüşü keçirilmişdir.

Samux Rayon İcra Hakimiyyətinin başçısı cənab Alı Qocayevin rayonun Sarıqamış kənd sakinləri ilə növbəti səyyar qəbulu keçirildi. Görüşdə kənd sakinləri ilə yanaşı İcra Hakimiyyəti başçısının müavinləri, icra aparatının şöbə müdürləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Sarıqamış  kənd inzibati ərazi dairəsi üzrə icra nümayəndəsinin müavini kənd barədə iclas iştirakçılarına geniş məlumat verdi. Eyni zamanda ərazi dairəsi üzrə icra nümayəndəsi kənddə görülən işlər, əhalini narahat edən problem və məsələlər barədə də ətraflı danışdı.
Daha sonra kənd sakinləri tərəfindən çıxışlar və təkliflər oldu.
1. Əliyev Bəylər Qoçu oğlu  kənd küçələrinə qum-çınqıl verilib hamarlanmasını xahiş etdi.    
2. Quliyeva  Raxşəndə İmamqulu qızı  məktəbin istilik sisteminin maye yanacaqdan təbii qaza keçirilməsini       xahiş etdi.
3. Abbasov Arzu Vahid  oğlu  1 ədəd  subartezian quyusunun  vurulması təklifini irəli sürdü.

Səyyar qəbulu yekunlaşdıran Samux RİH-nin başçısı cənab Alı Qocayev kənd sakinləri tərəfindən irəli sürülmüş rəy və təkliflərə baxılması üçün adiyyatı orqanların rəhbərlərinə yerindəcə müvafiq tapşırıqlar verdi