Samux rayonunda daha iki kəndə təbii qaz verildi
23 dekabr 2015-ci il tarixində Samux rayonun Yenikənd və Lüksemburq kəndlərində təxminən 500 abonentin təbii qazla təmin olunması üçün yeni çəkilmiş təbii qaz xəttinin acılış tədbiri keçirilmişdir.
Tədbirdə rayon İcra Hakimiyyəti başçısı cənab Alı Qocayev, Samux rayon İcra Hakimiyyəti başçısı Aparatının məsul işçiləri, rayonun idarə, müəssisə və təşkilatlarının nümayəndələri və kənd sakinləri iştirak etmişdir.
Tədbirdə çıxış edən rayon icra hakimiyyətinin başçısı cənab Alı Qocayev ilk öncə kəndə verilən təbii qaz münasibətilə kənd əhalisini təbrik etmiş, son illər rayonda icra olunan irimiqyaslı layihələrdən, bütün yaşayış məntəqələrinin qazlaşdırılması istiqamətində görülən işlərdən geniş çıxış etmişdir.
Azəriqazın Gəncə şəhər regional şöbəsinin Baş mühəndisi Azər Bayramov daha sonra çıxış edərək yeni abonentlərə təbii qazdan səmərili və təhlükəsizlik qaydalarına riayyət etməklə istifadə etmələrini vurğuladı.
Kənd sakinləri adından Baxşəliyev Faxrəddin göstərilən bu diqqət vəı qayğıya görə ölkə və rayon rəhbərliyinə öz minnətdarlığını bildirdi.
