Samux rayonunda 3 dekabr-Beynəlxalq Əlillər Günü qeyd edildi.

Samux rayonunda hər il dekabr ayının 3-də Beynəlxalq Əlillər günü qeyd olundu. Beynəlxalq Əlillər günü 3 dekabr 1992-ci ildə BMT-nin Baş Assambleyasında qəbul edilib. Hər il 3 dekabr  tarixində BMT-yə üzv olan ölkələrdə əlilliyi olan insanların cəmiyyətdəki mövqelərinin daha da möhkəmlənməsinə yönəlmiş tədbirlər təşkil olunur.
   Bu cür tədbirlər müntəzəm olaraq Respublikamızda o cümlədən rayonumuzda da qeyd olunmaqdadır.Əlillərə qayğı onların sosial-məişət və digər problemlərinin həlli daim Cənab Prezident İlham Əliyevin diqqət mərkəzində olmuşdur.Bu diqqət və qayğı Cənab Prezidentin 29.08.2013-cü il tarixli Fərmanı ilə əlillərin və bu kateqoriyadan olan digər insanların müavinətlərinin artırılmasında bir daha öz təsdiqini tapdı.
    Tədbirdə çıxış edən Samux Rayon İcra Hakimiyyətinin başçısı, cənab Alı Qocayev  qeyd etdi ki, əlil vətəndaşlara və xüsusilə də əlil uşaqlara diqqət və qayğı cəmiyyətimizin hər üzvünün borcudur. Bununla əlaqədar əlillərlə bağlı müxtəlif tədbirlərin həyata keçirilməsi dövlət tərəfindən hər zaman diqqət mərkəzində saxlanılır. Samuxda da əlillərin mənzil-məişət şəraitinin yaxşılaşdırılması üçün işlərdən danışılıb. Rayonda yaşayan əlil və şəhid ailələri üçün ikimərtəbəli 8 və 36 mənzilli binalar, eləcə də 11 fərdi yaşayış evi tikilib. 20-ə yaxın  əlilə minik avtomobili verilib. Samux rayonunda ümumilikdə 60 Qarabağ Müharibəsi əlili və 100 şəhid ailəsi yaşayır. Onların vaxtlı-vaxtında paytaxta müayinə və müalicəyə göndərilməsi təmin olunur. Əlillərə bayram sovqatı paylanılıb. Tədbir musiqili proqramla davam etdirilib.
   Rayonumuzda 3 dekabr Əlillər Günü ilə bağlı keçirilən tədbirə 60 nəfər əlil və fiziki qüsuru olan rayon sakinləri dəvət olunmuşdur.Bundan başqa 20 nəfər yataq xəstəsi olan I qrup əlillər evlərində ziyarət olunmuşdur.Dəvət olunmuş və evlərində ziyarət edilmiş əlillərə sovqat bağlamaları verilmiş və digər maddi yardımlar göstərilmişdir.