Samux Rayon İcra Hakimiyyəti başçısının rayonun Qırmızı Samux kəndində səyyari görüşü keçirilmişdir.

01.12.2015-ci il tarixdə Samux Rayon İcra Hakimiyyətinin başçısı cənab Alı Qocayevin rayonun Qırmızı Samux kənd sakinləri ilə növbəti səyyar qəbulu keçirildi. Görüşdə kənd sakinləri ilə yanaşı İcra Hakimiyyəti başçısının müavinləri, icra aparatının şöbə müdürləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər. Əvvəlcə Qırmızı Samux kənd inzibati ərazi dairəsi üzrə icra nümayəndəsi kənd barədə iclas iştirakçılarına geniş məlumat verdi. Eyni zamanda ərazi dairəsi üzrə icra nümayəndəsi kənddə görülən işlər, əhalini narahat edən problem və məsələlər barədə də ətraflı danışdı.
Daha sonra kənd sakinləri tərəfindən çıxışlar və təkliflər oldu.
1. Əhmədov Nəriman Ramazan oğlu Qəsəbənin ərazisindən keçən Qanlı Qobu sel kanalının 1500 m hissəsinin lildən təmizlənməsini xahiş etdi.     
2. Lətifov Səhrab Qasım oğlu1 ədəd subatezian quyusunun vurulmasını xahiş etdi.
3. Ağayev Söyxan Yusif oğlu Yenikənd – Qırmızı  Samux  yolunun   cari  təmiri və Qanlı Qobunun üzərindəki sel dağıtmış körpünün bərpa edilməsini xahiş etdi.
4. Almuradov Hidayət Camal oğlu isə Qırmızı Samux  - Burunqovaq yolundakı sel dağıtmış iki ədəd körpünün bərpasını xahiş etdi.

Səyyar qəbulu yekunlaşdıran Samux RİH-nin başçısı cənab Alı Qocayev kənd sakinləri tərəfindən irəli sürülmüş rəy və təkliflərə baxılması üçün adiyyatı orqanların rəhbərlərinə yerindəcə müvafiq tapşırıqlar verdi