Samux rayon İcra Hakimiyyəti başçısının 2015-ci ilin doqquz ayının sosial-iqtisadi inkişafının yekunlarına və qarşıda duran vəzifələrə dair hesabat yığıncağı keçirildi.
Azərbaycan Respublikasının Prezidenti cənab İlham Əliyev Nazirlər Kabinetinin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında dünya və ölkə iqtisadiyyatında baş verən bu prosesləri təhlil etdi.
2015-ci ilin doqquz ayının əsas iqtisadi göstəriciləri aşağıdakı kimi olmuşdur. Ötən ilin müvafiq dövrü ilə müqayisədə ölkəmizdə:
- Ümumi daxili məhsul 3,7 faiz artmışdır;
- Qeyri neft sektorunda 6,4 faiz artım olmuşdur;
- Əhalinin pul gəlirləri 5,8 faiz artmışdır;
- İnflyasiya cəmi 3,7 faiz təşkil etmişdir;
Dövlət proqramının uğurlu icrası nəticəsində regionlarda əvvəllər olduğu kimi 9 ayda da əhalinin məşğulluğu sahəsində müsbət meyllər müşahidə olunmuş, 67 mini daimi olmaqla, 87 min yeni iş yeri açılmışdır.
Azərbaycanda qlobal böhran şəraitində mühüm dövlət proqramlarının icrasının davam etdirilməsi ölkəmizdə aparılan uğurlu iqtisadi siyasətdən xəbər verir. Bütün bunlar isə deməyə əsas verir ki, dövlət başçısı İlham Əliyevin uğurla yürütdüyü iqtisadi siyasət qarşıdakı illərdə də müsbət nəticələrini verəcək, respublikamız ən qısa zamanda inkişaf etmiş ölkələrin səviyyəsinə yüksələcəkdir.
2015-ci ilin doqquz ayı rayonumuz üçün də uğurlu olmuş, rayonda geniş tikinti – quruculuq, abadlıq işləri həyata keçirilmişdir.
2015-ci ilin doqquz ayının sosial-iqtisadi inkişafın əsas iqtisadi göstəricilərinin təhlili bunu deməyə əsas verir.
- Ümumi məhsul buraxılışının həcmi 82,6 milyon manat olmuşdur ki, bu da ötən ilin müvafiq dövründəkindən 8,0 faiz çoxdur.
- Kənd təsərrüfatı məhsullarının həcmi 9,3 faiz;
- Sənaye məhsulunun həcmi 19,5 faiz;
- Pərakəndə əmtəə dövriyyəsi 13,0 faiz,
- Əhaliyə göstərilən pullu xidmətlərin həcmi 46,3 faiz artmışdır.
Əhalinin məşğulluğu yenə də diqqət mərkəzində saxlanılmış və sahibkarlara yaradılan münbit şəraitin nəticəsidir ki, hesabat dövründə 548-i daimi olmaqla 608 yeni iş yeri yaradılmışdır.
Yaradılmış yeni iş yerlərindən 245-i Sahibkarlığa Kömək Milli Fondu tərəfindən rayon sahibkarlarına 104 layihə üzrə verdiyi 1352,2 min manat güzəştli kreditin hesabınadır.
Hesabat dövründə rayonda geniş tikinti-quruculuq işləri aparılmışdır.
9 ay ərzində inşasına keçən il başladığımız, hər biri 100 yerlik iki körpələr evi-uşaq bağçasında işlər tam başa çatdırılmış, hər iki bağça bütün lazımi inventar və avadanlıqlarla təmin olunaraq, istifadəyə tam hazır vəziyyətə gətirilmişdir.
Şəhərin Heydər Əliyev prospektində, Kür, Qələbə, Elçin Məmmədov, İsrafil Məmmədov, Məhəmməd Əsədov küçələrində yenidənqurma işləri aparılmışdır.
3 saylı şəhər uşaq bağçasının həyətində bir sıra tikinti, abadlıq işləri görülmüşdür.
Ziyadlı kəndində tibb məntəqəsinin yeni binası istifadəyə verilmiş, Qovlarsarı tibb məntəqəsində işlər başa çatmaq üzrədir. Kənddə yeni mini stadion istifadəyə verilmiş, məktəbin idman zalı müasir avadanlıqlarla təmin olunmuşdur.
Rayon Telekommunikasiya Qovşağının inzibati və Azərbaycan Respublikasının Kənd Təsərrüfatı Nazirliyinin Samux Rayon İdarəsinin inzibati - laboratoriya binasının tikintisində son tamamlama işləri aparılır.
Rayon iqtisadiyyatının inkişafında və əhalinin məşğulluğunun təmin olunmasında mühüm rol oynayacaq Sarıqamış kəndi ərazisində yaradılan iribuynuzlu mal-qara üçün nəzərdə tutulmuş “Boz dağ” heyvandarlıq kompleksinin və “Aqroenerji” kompleksinin tikintisində işlər davam etdirilir. Heyvandarlıq kompleksində saxlanılan cins mal-qaranın baş sayı hazırda 2700 başa çatdırılmışdır. Hər gün 5000 litir süd istehsal olunur.
Burunqovaq kəndində kəndin bir hissəsinin, əkin və örüş sahələrini mütamadi subasmalarının qarşısının alınması məqsədi ilə 1,1 km uzunluğunda yeni kanal çəkilərək Qabırrı çayının istiqaməti dəyişdirilmişdir.
Azərbaycan Respublikasının Prezidenti cənab İlham Əliyevin tapşırığına əsasən respublikamızın şəhər və rayonlarının IX-XI sinif şagirdləri üçün “Ölkəmizi tanıyaq” devizi ilə keçirilən maarifləndirici tur-aksiyalara 2014-cü ildən start verilmişdir.
2014-cü ilin avqust ayında rayonumuzun ümumtəhsil məktəblərinin IX-XI sinif şagirdləri bu tur-aksiyaya cəlb edilmiş, 45 nəfərdən ibarət heyətdə Quba -Xaçmaz-Qusar rayonlarına səfər etmişlər.
2015-ci ilin mart ayında rayon məktəbliləri iki qrupda Naxçıvan Muxtar Respublikasından olmuşdur.
Səfərlərdə iştirak etmiş şagirdlər olduqlar bölgələrlin tarixi, adət-ənənələri, görməli yerləri ilə bağlı təəssüratlarını şagird yoladaşları ilə bölüşmüşlər. Bu isə öz növbəsində şagirdərin ölkəmiz haqqında daha geniş biliyə malik olmasına imkan yaradır.
“Ölkəmizi tanıyaq” devizi ilə keçirilən maarifləndirici tur-aksiyanın növbəti səfərlərinə şagirdlər arasından daha inteelktul biliyə malik, rayonumuzun tarixini daha yaxşı bilən şagirdlər cəlb edilməlidir.
Qeyd etməliyəm ki, görülmüş işlərlə yanaşı qarşımızda görüləcək işlər də vardır:
- ilk növbədə hesabatda qeyd edilən tikinti - quruculuq işlərinin qısa müddətdə başa çatdırılmasıdır;
- bununla bərabər Samux şəhər - Füzuli - Lək - Əlibayramlı - Qarabağlar - Çobanabdallı – Samux şəhər avtomobil yolunun qalan hissəsinin və Gəncə çayı üzərində körpünün tikintisinin həyata keçirilməsidir;
- şəhərin küçələrinin yenidən qurulması və kəndlərarası yolların əsaslı təmiri də əsas hədəflərimizdəndir və bu sahədə müvafiq işlər aparılır;
- rayon mərkəzinin və ətraf yaşayış məntəqələrinin kanalizasiya və mərkəzləşdirilmiş içməli su sisteminin qurulmasının reallaşması istiqamətində də işlər aparılır;
- Qarabağ müharibəsi əliləri və şəhid ailələrinin mənzil şəraitinin yaxşılaşdırılması da diqqət mərkəzindədir;
- qarşımızda duran ən vacib məsələlərdən biri də rayon iqtisadiyyatının daha da genişləndirilməsi və əhalinin məşğulluğunun tam təmin olunması üçün yeni istehsal və emal müəssisələrinin yaradılmasını təmin etməkdən ibarətdir.
Ölkə başçısı tərəfindən 2015-ci ilin “ Kənd təsərrüfatı ili” elan edilməsi də qarşımızda yeni vəzifələr qoyur. Rayonda 5000 hektar sahədə toxumçuluq və heyvandarlıq kompleksinin yaradılması istiqamətində işlər aparılır.
