Samux Heydər Əliyev Mərkəzində “15 sentyabr-Bilik günü” münasibətilə “Heydər Əliyev və təhsil yolları” adlı məktəblilər üçün tədbir təşkil olundu
Samux Heydər Əliyev Mərkəzində 15 sentyabr Bilik günü münasibətilə “Heydər Əliyev və təhsil yolları” adlı məktəblilər üçün tədbir təşkil olundu.
Əvvəl Samux şəhər 1 saylı məktəb lisey məktəbliləri Ümumilli lider Heydər Əliyevin büstü önünə gül dəstələri qoymuş, daha sonra mərkəzin ekskursiya hissəsində Ulu Öndərin həyat və yaradıcılığından bəhs edən eksponatlarla tanış olmuşlar. Daha sonra Qədim Azərbaycan tarixini əsks etdirən elektron löhvəni izləmişlər.
Məktəbliləri təbrik edən Mərkəzin direktoru Aygün Həsənzadə Ulu Öndərin dahi kəlamlarını“Bizim hər birimiz elmi dərəcəmizdən, biliyimizdən, təhsil səviyyəmizdən asılı olmayaraq, bütün nailiyyətlərimizə görə məktəbə, müəllimə borcluyuq!” deyə məktəblilərin diqqətinə çatdırdı.
Məktəblilərin Ulu Öndərin gənclik dövru və təhsili ilə bağlı suallarını mərkəzin direktoru və mərkəz ekskusiyaçısı cavablandırmışlar.
Daha sonra mərkəzin 3D kinoteatrında Ümummilli lider Heydər Əliyevin təhsil yollarına həsr olunmuş video nümayiş olunmuşdur.
Sonda məktəblilər Bilik Günü münasibətilə hazırlanmış tortu kəsərək qeyd etdilər.
