Samux rayon İcra Hakimiyyəti yanında fəaliyyət göstərən Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Rayon Komissiyası tərəfindən hesabat yığıncağı keçirilmişdir.
Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığa qarşı mübarizəyə dair 2013-2018-ci illər üçün Dövlət Proqramının icrası ilə bağlı 2015-ci ilin 6 ayı ərzində hüquq mühafizə orqanlarının və digər aidiyyəti qurumların iştirakı ilə maarifləndirici tədbirlər həyata keçirilmiş, narkotik vasitələrin qanunsuz alqı- satqıısı, saxlanması və əkilməsi ilə bağlı faktlar aşkar edilərək müvafiq tədbirlər görülmüşdür.
Narkomanlığın bəşəriyyətinin inkişafına mane olan ən böyük bəlalardan biri olması nəzərə alınaraq, narkomanlığın yayılmasının qarşısının alınması, narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizə müstəqil dövlətimizin memarı ümummilli liderimiz H.Əliyevin siyasi fəaliyyətində mühüm yer tutmuşdur. Məhz bu sahəyə olan diqqətin nəticəsidir ki, 26.08.1996-ci ildə Ulu Öndərin imzası ilə Narkomanlığa və Narkotik Vasitələrin Qanunsuz Dövriyyəsinə qarşı fərman imzalanmışdır. Məhz fərmandan sonra bu istiqamətdə yeni-yeni mühüm sənədlər qəbul edilmişdir.
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə ümummilli liderimizin ən layiqli davamçısı ölkə prezidenti cənab İ.Əliyev tərəfindən daha yüksək səviyyədə davam etdirilir. Narkomanlığa və Narkotik Vasitələrin Qanunsuz Dövriyyəsinə Qarşı Mübarizəni daha səmərəli təşkili məqsədilə Dövlət Proqramlar qəbul edilmiş və müvəffəqiyyətlə həyata keçirililir. Belə ki, bu mühüm dövlət sənədindən irəli gələn tədbirlərin icrasını təmin etmək məqsədilə İcra Hakimiyyətində müvafiq Tədbirlər Planı hazırlanmışdır. Tədbirlər Planına müvafiq olaraq qəbul edilmiş Dövlət Proqramdan irəli gələn tələblərin icrası istiqamətində müvafiq tədbirlərin görülməsi təmin edilmiş, narkotik vasitələrin, psixotrop maddələrin və onların prekursorlarının qanunsuz dövriyyəsinin və narkomanlığın yayılmasının qarşısını almaq məqsədi ilə vətəndaşların aktiv fəaliyyət göstərməsi üçün İcra Hakimiyyətində etimad telefonu yaradılmış, aidiyyəti orqanların yaxından iştirakı ilə müvafiq tədbirlərin keçirilməsi təmin edilmişdir.
2014-cü il ərzində Narkotik vasitələrin, psixotrop maddələrin və onların prekursorlarının qanunsuz dövriyyəsi ilə bağlı müəyyən işlər görülmüşdür. Belə ki, 2014-cü il ərzində Narkotik vasitələrin, psixotrop maddələrin və onların prekursorlarının qanunsuz dövriyyəsi ilə bağlı keçirilən əməliyyat nəticəsində 5 cinayət faktı aşkar olunaraq 784,68 qram narkotik vasitə olan qurudulmuş marixuana dövriyyədən çıxarılmışdır.
Hüquq-mühafizə əməkdaşları tərəfindən “Xaş-Xaş-2014” şərti adı altında keçirilən əməliyyat nəticəsində 06.06.2014-cü ildə Samux rayon Qaraarx kəndinə gedən yolun sağ tərəfində “Qoşqar”MMC fermasının yaxınlığında 1ha ərazidən yaşıl kütləsi 575 kq olan 5 min ədəd narkotik mənşəli çətənə kolları Samux RPŞ-nin əməkdaşları tərəfindən yandırılaraq məhv edilmişdir. Bundan əlavə 30.06.2014-cü ildə hüquq-mühafizə əməkdaşları tərəfindən keçirilən əməliyyat nəticəsində aşkarlanan Kolayır kəndi ərazisində su arxının kənarında 0,9 ha ərazidə yabanı halda bitmiş yaşıl kütləsi 620 kq olan 4 min ədəd narkotik mənşəli çətənə kolları yandırma yolu ilə məhv edilmişdir.
Bu gün “Ağ ölüm” adlanan narkomanlığın və QİÇS-in gənclər və məktəblilər arasında yayılması ehtimalı daha böyük olduğundan bu istiqamətdə aparılan təbliğatın və maarifləndirmə işinin çox böyük əhəmiyyəti vardır. Yeniyetmə və gənclərin bu bəşəri xəstəliklər haqqında biliklərini artırmaq məqsədi ilə ümumtəhsil məktəblərin yuxarı sinif şagirdləri arasında “Neqativ hallara qarşı birgə mübarizə” və “Narkomaniya ilə mübarizə hər birimizin işidir” və sair mövzusunda söhbətlər və diskusiyalar təşkil edilmiş, rayon ictimaiyyəti və hüquq-mühafizə orqanları nümayəndələrinin iştirakı ilə rayon üzrə mütəmadi olaraq maarifləndirici tədbir həyata keçirilmişdir.
Komissiyanın xətti ilə aidiyyəti qurumlarla birlikdə mütəmadi olaraq, o cümlədən 26 iyunda-“Narkotiqlərlə Mübarizə Günü” ilə əlaqədar tədbirlər keçirilir, maarifləndirmə işi aparılır. Samux rayon Gənclər və İdman İdarəsinin təbirlər planına uyğun olaraq hər il mütamadi olaraq nakomaniya ilə mübarizə mövzusunda müxtəlif tədbirlər keçirilir. Belə ki, məktəblərdə və Heydər Əliyev Mərkəzində Ümumdünya Narkotiklərlə Mübarizə günü ilə bağlı “Narkomanlıq və narkotik vasitələrlə mübarizə” mövzusunda tədbirlər keçirilib.
Tədbirlərdə İcra Hakimiyyəti başçısı Aparatının, rayon gəncləri prokurorluğun və polis şöbəsin əməkdaşları, narkotiklərlə mübarizə bölməsinin rəisi, həmçinin ictimaiyyət nümayəndələri və ziyalıların iştirakı təmin olunmuşdur.
Həmçinin, rayonda fəaliyyət göstərən Qeyri-Hökümət Təşkilatlarınınn, təhsil müəssisələrinin və fəal gənclərinin köməyi ilə “ağ ölüm”ün mahiyyətindən bəhs edən bukletlər və video çarxların hazırlanması nəzərə alınmışdır.
Bundan əlavə həkimlərin iştirakı ilə “QİÇS-lə mübarizə günü münasibəti ilə “Sağlamlığımızı birgə qoruyaq” mövzusunda dəyirmi masalar keçirilmişdir. QİÇS-in yaranma səbəbləri, fəsadları haqqında nə bilirik “ mövzusunda iştirakçıların fikirləri öyrənilmişdi. Mərkəzi Xəstəxananın həkim kollektivi gənclər arasında maarifləndirmə işi aparmışdır.
Rayon üzrə 39 nəfər şəxs narkomanlıqla bağlı qeydiyyata götürülmüşdür. Bunların bəziləri müalicəyə cəlb edilmişdir. Qeydiyyata götürülmüş bu şəxslərlə profiliktik tədbirlər aparılmaqla və maarifləndirmə işləri görülür. Aparılan maarifləndirmə və profilaktik tədbirlərin nəticəsidir ki, qeydiyyata götürülmüş 39 nəfər napkoman arasında yetkinlik yaşına çatmayan olmamışdır.
