Samux Rayon Heydər Əliyev Mərkəzində 15 iyun Milli Qurtuluş Gününə həsr olunmuş “Heydər Əliyev və Milli Mənəvi İncimiz Muğam” adlı ilk muğam gecəsi keçirildi.

Samux rayon  Heydər Əliyev Mərkəzi və Sərkar kənd Musiqi Məktəbinin birgə təşəbbüsü  və təşkilatçılığı ilə 15 iyun Milli Qurtuluş Gününə həsr olunmuş “Heydər Əliyev və Milli Mənəvi İncimiz Muğam” adlı  Samux rayonunda ilk muğam gecəsi keçirildi.
Tədbirdə Samux rayon İcra Hakimiyyətinin İcra Başçısı Alı Qocayev və digər rayon rəsmiləri, Gəncə Dövlət  Universitetinin   dosenti Ziyafət Bayramova qonaq qismində iştirak edirdi.
Tədbiri  giriş sözü ilə açan Heydər Əliyev Mərkəzinin Direktoru Aygün Həsənzadə Ümumlider Heydər Əliyevin Azərbaycanın zəngin irsini, milli mənəvi sərvətlərimizə  necə dəyər verməsini və   zəngin musiqi mədəniyyətinə malik olan Azərbaycan  musiqisinin ən  dəyərli nümunələrindən olan muğamın qorunması, yaşadılması və dünyaya tanıdılmasında Mehriban xanım Əliyevanın müstəsna xidmətlərindən danışdı. Həmçinin  dövlət başçısı İlham Əliyevin və Heydər Əliyev Fondunun prezidenti Mehriban xanım Əliyevanın səmərəli fəaliyyətinin nəticəsi olaraq hələ 2003-cü ildə Azərbaycanın muğam sənəti UNESCO-nun Qeyri-maddi-mədəni irs siyahısına daxil edilildiyini” də qeyd etdi.
Sonra İcra Başçısı Alı Qocayev də iştirak edərək Milli Qurtuluş Günü münasibətilə hər kəsi təbrik etdi və ifaçılara uğurlar arzuladı.
Daha sonra tədbirin qonağı Gəncə Dövlət Universitetinin  dosenti Ziyafət Bayramova     da çıxış edərək  muğamın sirləri haqqında iştirakçıları məlumatlandırdı və ilk muğam gecəsi təşkilatçılarını və iştirakçılarını təbrik etdi.

Tədbir Sərkar Kənd  və Samux şəhər Muqisi Məktəblərinin  istedadlı yetirmələrinin muğam ifaları ilə davam etdi.