Samux Rayon İcra Hakimiyyəti başçısının rayonun Qovlarsarı kəndində səyyari görüşü keçirilmişdir.

26.05.2015-ci il tarixində Samux Rayon İcra Hakimiyyətinin başçısı cənab Alı Qocayevin rayonun Qovlarsarı  kənd  sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Qovlarsarı   kənd inzibati ərazi dairəsi üzrə icra nümayəndəsi Ramil Aslanov kənd  barədə iclas iştirakçılarına geniş məlumat verdi.Kənddə görülmüş işlər, elektrik enerjisi,təbii qaz və  su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar və təkliflər oldu:
1. Mehdiyeva  Dürdanə  Əli  qızı çıxış edərək  istirahət  parkında  6 ədəd  əlavə  oturacaqların  quraşdırılmasını       xahiş etdi.
2. Zamanov  Ziya  Azər oğlu öz çıxışında  kəndə  xidmət  edən elektrik  trasformatorunun  təmirini     xahiş etdi.
3. Ələkbərov  Bayram  İspəndiyar oğlu Mərkəzi  küçənin 1 km hissəsinin  asfaltlaşdırılması    təklifini irəli sürdü.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi