Samux Rayon İcra Hakimiyyəti başçısının rayonun Yenikənd kəndində səyyari görüşü keçirilmişdir.

19.05.2015-ci il tarixində Samux Rayon İcra Hakimiyyətinin başçısı cənab Alı Qocayevin rayonun Yenikənd kənd  sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Yenikənd  kənd inzibati ərazi dairəsi üzrə icra nümayəndəsi kənd  barədə iclas iştirakçılarına geniş məlumat verdi.Kənddə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar və təkliflər oldu:
1. İbrahimova  Akifə  Qurban  qızı çıxış edərək  kəndin  günbatan  tərəfində 1100 m uzunluğunda   əlavə  şor kanalının qazılmasını  xahiş etdi.
2. Hüseynov  Məmməd   Yusif  oğlu öz çıxışında  Qarasaqqal  kanalının 400 m hissəsində  sahilbərkitmə işinin  aparılmasını xahiş etdi.
3. Musayev  Biləndər   Cahangir oğlu  Kəndə 1 nəfər  elektrik  ştatının verilməsi  təklifini irəli sürdü.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi