Samux Rayon İcra Hakimiyyəti başçısının rayonun Qarayeri qəsəbəsində səyyari görüşü keçirilmişdir.

12.05.2015-ci il tarixinde Samux Rayon İcra Hakimiyyətinin başçısı cənab Alı Qocayevin rayonun Qarayeri qəsəbə sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Qarayeri qəsəbə  inzibati ərazi dairəsi üzrə icra nümayəndəsi Məftun Yusifov qəsəbə barədə iclas iştirakçılarına geniş məlumat verdi. Kənddə görülmüş işlər, elektrik enerjisi, təbii qaz, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar və təkliflər oldu:
1. Əliyeva  Sevil   Novruz  qızı çıxış edərək  yeni  yaşayış massivinin qazlaşdırılmasını xahiş etdi.
2. Həsənov  Asif  Çoban  oğlu öz çıxışında  İstirahət  parkının  cari təmirini   xahiş etdi.
3. Ələsgərov  Asəf  Səlman oğlu yeni  yaşayış massivinə elektrik xəttinin çəkilməsi təklifinini irəli sürdü.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi