Samux Rayon İcra Hakimiyyəti başçısının rayonun Qırmızı Samux qəsəbəsində səyyar-görüşü keçirilmişdir.

14.04.2015-ci il tarixdə Samux Rayon İcra Hakimiyyəti başçısı cənab Alı Qocayevin səyyari görüşü rayonun Qırmıxı Samux  qəsəbəsində keçirildi.
Səyyari görüşdə  İcra Hakimiyyəti başçısının müavinləri,icra aparatının şöbə müdirləri, hüquq-mühafizə orqanlarının, idarə,müəssisə və təşkilatların rəhbərləri iştirak edirdilər.
Qəsəbədə görülmüş işlər və sakinləri narahat edən məsələlər və problemlər haqqında məlumatı qəsəbə inzibati ərazi dairəsi üzrə icra nümayəndəsi Abdurrəhmanov Yaşar verdi. Sonra qəsəbə sakinləri tərəfindən çıxışlar və təkliflər oldu. Belə ki, sakinləri narahat edən bəzi problemlər barədə bir neçə nəfərin çıxışları və təklifləri dinlənildi.
1. Almuradov  Əhliyad  Camal oğlu çıxış edərək oğlunun  ixtisasına  uyğun işlə  təmin olunmasını xahiş etdi.
2. Lətifov  Səhrab  Qasım oğlu pay  torpaqlarının suvarılması üçün əlavə  su  nasosunun  quraşdırılması  təklifini irəli sürdü.
3. Musayev   Teymur  İbrahim  oğlu yağış  suyunun  axıdılması  üçün su  borusunun  quraşdırılmasını   xahiş etdi.
4. İbrahimov   Telman   Qurban  oğlu Yenikənd – Qırmızı  Samux  yolunun   cari  təmirini xahiş etdi.
Səyyar qəbulu yekunlaşdıran Samux  RİH-nin başçısı cənab Alı Qocayev qəsəbə sakinləri  tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.