Samux Rayon İcra Hakimiyyəti başçısının rayonun İnstitut qəsəbəsində səyyar-görüşü keçirilmişdir.

30.03.2015-ci il tarixdə Samux Rayon İcra Hakimiyyəti başçısı cənab Alı Qocayevin səyyari görüşü rayonun İnstitut  qəsəbəsində keçirildi.
Səyyari görüşdə  İcra Hakimiyyəti başçısının müavinləri,icra aparatının şöbə müdirləri, hüquq-mühafizə orqanlarının, idarə,müəssisə və təşkilatların rəhbərləri iştirak edirdilər.
Qəsəbədə görülmüş işlər və sakinləri narahat edən məsələlər və problemlər haqqında məlumatı qəsəbə inzibati ərazi dairəsi üzrə icra nümayəndəsi Məmmədov Səbuhi verdi. Sonra qəsəbə sakinləri tərəfindən çıxışlar və təkliflər oldu. Belə ki, sakinləri narahat edən bəzi problemlər barədə bir neçə nəfərin çıxışları və təklifləri dinlənildi.
1. Əliyeva  Məşuqə  İbrahim qızı çıxış edərək qəsəbədə yerləşən uşaq  bağçasının  cari  təmirini  xahiş etdi.
2. Məcidova  Dürdanə  Tahir  qızı kanalizasiya  sisteminin  cari  təmiri     təklifini irəli sürdü.
3. Abbasova  Sevda   Gülağa  qızı yaşadığı  küçəyə  tökülmüş  tikinti materiallarının  təmizlənməsini xahiş etdi.
Səyyar qəbulu yekunlaşdıran Samux  RİH-nin başçısı cənab Alı Qocayev qəsəbə sakinləri  tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.