Samux Rayon İcra Hakimiyyəti başçısının rayonun Çobanabdallı kəndində səyyari görüşü keçirilmişdir.

Samux Rayon İcra Hakimiyyətinin başçısı cənab Alı Qocayevin rayonun Çobanabdallı kənd  sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Çobanabdallı kənd    inzibati ərazi dairəsi üzrə icra nümayəndəsi Məhərrəmov Elşad kənd  barədə iclas iştirakçılarına geniş məlumat verdi.  Kənddə görülmüş işlər, elektrik enerjisi, təbii qaz, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar və təkliflər oldu:
1. Abbasov  Xəqani  Şamil  oğlu çıxış edərək  pay torpaqlarının suvarılmasında istifadə olunan baş  su  kanalının təmizlənməsini     xahiş etdi.
2. Nəbiyev  Habil  Məmməd  oğlu öz çıxışında  kənddaxili yolun  cari  təmirini   xahiş etdi.
3. Məmmədov  Novruz  Oruc  oğlu iki ədəd  yararsız  elektrik dirəyinin dəyişdirilməsi   təklifini irəli sürdü.
4. Abdıyev  İntiqam  Nadir oğlu  sahələrarası  su  arxının  təmizlənməsi təklifini irəli sürdü.

Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi