Samux Rayon İcra Hakimiyyəti başçısının rayonun Ziyadlı kəndində səyyari görüşü keçirilmişdir.
Samux Rayon İcra Hakimiyyətinin başçısı cənab Alı Qocayevin rayonun Ziyadlı kənd sakinləri ilə növbəti səyyari görüşü keçirildi.
Görüşdə kənd sakinləri ilə yanaşı İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Ziyadlı inzibati ərazi dairəsi üzrə icra nümayəndəsi Qurbanov Rövşən kənd barədə iclas iştirakçılarına geniş məlumat verdi. Kənddə görülmüş işlər, elektrik enerjisi, təbii qaz, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd sakinləri tərəfindən çıxışlar və təkliflər oldu:
1. Səlamov Sahib Ədil oğlu çıxış edərək 16 yaşayış evinə elektrik enerjisinin verilməsi üçün 5 ədəd dayağın quraşdırılmasını xahiş etdi.
2. Babayev İlqar Seyidabbas oğlu öz çıxışında yeni bağça binasının tikilməsini xahiş etdi.
3. Səlmanov Xasay Rüstəm oğlu pay torpaqlarının suvarılmasında istifadə olunan subartezianın təmir edilməsi təklifini irəli sürdü.
4. Əzimov Vaqif Məhərrəm oğlu isə yaşadığı küçədəki elektrik naqillərinin dəyişdirilməsi təklifini irəli sürdü.
Səyyar qəbulu yekunlaşdıran Samux RİH-nin başçısı cənab Alı Qocayev kənd sakinləri tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.
